RSS

You are here

Mihajlovićka e dženutnenca kompaniako MOL kotar bufljaripe sistemi elektropherdutne ano auto-dromja

Telopresidentka Thagarutna Srbiaki thaj ministarka vaš lačardipe, dromutnipe thaj infrastuktura, prof. dr Zorana Mihajlović, vakhardja avdive e dženutnenca hungariaki kompania MOL kotar barjaripe sistemi elektropherdutne ano auto-dromja ani Srbia thaj anglunisaripe šartjengo vaš biznisi prekal barjaripe pajnesko dromutnikanipe.

 

Dženutne kompaniake MOL informišinde e  Telopresidentka Thagarutnaki kaj planirinena kotar 2020.berš ano sa benzineske stanice čhivena disavo gendo elektropherdutne, so ka resol te bufljarolpe sisitemi akale aparatjengo ano auto-dromja ani Srbia.

 

Telopresidentka Thagarutnaki phendja kaj Srbia ano akava berš agorisindja kompletno Koridori 10, a kaj dži po agor beršesko ka mukholpe ano dromutnipe ini 120 km auto-drom kotar Surčin dži Preljina.”But amenge semno kaj odola auto-dromja ovena barvalime ini aver šejenca, maškhar save ini barjaripe sistemi elektropherdutne”, phendja i Mihajlovićka.

 

Ano bešipe vakhardilo ini kotar anglunisaripe šartjengo vaš anipe ko kherutno marketi nafta thaj  naftake derivatja prekal barjaripe pajnesko dromutnipe.

 

“Vaš Thagarutni Srbiaki semno kaj kompanie te ovelolen šukhar šartja vaš biznisi, vaš neve investicie thaj barjaripe. Prekal investiripe ano barjaripe porteski infrastruktura thaj lačardipe pajneske tradimaske droma vaš te kera šartja vaš polokhe biznisi sarenge save labarinena pajensko dromutnipe vaš anipe roba ano srbikano marketi”, phendja i Mihajlovićka.

 

 Ano bešipe lela kotor ini ambasadori Hungariako ani Srbia, Atila Pinter.