RSS

You are here

Mihajlovićka e firmenca “Putevi Srbije” thaj “Koridori Srbije”: Agorisindjam bari buti, neve projektja siton anglo amende

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e direktorjenca ano “Koridori Srbije” thaj “Putevi Srbije”, e Zoran Babićea thaj Zoran Drobnjakoa, thaj olenca vakhardja kotar infrastrukturake projektja savengi realizacia sitoj akana.

 

“Agorisindjam khupate seriozno buti thaj bare projektja ano 2019. berš, čačikane odova sine berš infrastrukturako, thaj pačavava kaj ka labdarde realizuina ini sa aver projektja savo ano maškharvakhti lelam thaj save siton ano plani ano rami neve investiciako ciklusi “Srbia 2025”, phendja i Mihajlovićka.

 

Telopresidentka Thagarutnaki mothavdja e direktorjenge Babić thaj Drobnjak kaj Ministribe  sito akate te dol sasavi manglutno suporti thaj ažutipe, sar ini dži akana, thaj adžukharela kaj sa projektja realizuinenape pedo kontrakteski dinamika.

 

Ano bešipe, maškhar sa aver, sine lafi kotar lačardipe Moravako koridori thaj auto-drom thaj sigutni dromutnikani Ruma-Šabac-Loznica, vaš saveski realizacia investitori sito JP “Koridori Srbije”, sar ini kotar lungaripe lačardipe auto-drom “Miloš Veliki” kotar Preljina dži Požega, auto-drom Niš-Pločnik, Fruškogorako koridori, ama ini auto-drom Sremeski Rača-Kuzmin, dromutnikane Kragujevac-Batočina thaj trujalutno drom trujal Beogradi, kote siton investitorja “Putevi Srbije”.

 

Adžahar, vakhardilo ini kotar gatisaripe dokumentacia vaš etapa Novi Beograd-Surčin, lačardipe etapako Valjevo-Iverak thaj Batajnicako kombo, sar ini rehabilitacia dromjengo, kote agorisalilo 237 kilometarja, momentalno kerelape pana 238 km, a ano akava berš planirimo sito te kerolpe kontrakti pana paše 360 kilometarja.