RSS

You are here

Mihajlovićka e kinaka kompania CRSC: Sigutni pruga kotar Beogradi dži Budimpešta majbare infrastrukturako projekti ano regioni

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e delegacia kinaka kompaniako CRSC, savo legarela Žu Žilijang, presidento Direkciako šerutnipe kompaniako, thaj olenca vakhardja kotar realizacia projektesko lačardipe sigutni pruga kotar Beogradi dži Budimpešta, ama ini kotar aver infrastrukturake projektja ano sastrnalutno dromutnipen.

 

Mihajlovićka phendja kaj Srbia thaj ThR Kina siolen but lačhi bilateralno maškharipe, po ulavdipe ano bare infrastrukturake projektja, naisaripe lačhe amalikane relacie duje presidentjengo, Aleksandar Vučić thaj Si Djinping.

 

"Kupate lačara sigutno pruga kotar Beogradi dži Budimpešta, majbaro infrastrukturako projekti ano mesmerjavinutni Evropa. Akava sito but semno projekti vaš Srbia, soske angluno drom lačaara pruga pedi savi ka tradolpe 200 km ano sati. Dikholape kaj situmen baro džandipe thaj empiria ano barjaripe thaj keripe sigutne pruge, sigurno sim kaj ka labarinen majmoderno tehnologia ani realizacia akale projektesko thaj kaj ka ovol realizuimo ano vakhti", phendja i Mihajlovićka.

 

Žu Žilijang sikhavdja naisaripe e telopresidentkake pedo devipedumo ani realizacia projektesko sigutno pruga Beograd-Budimpešta, phenipa kaj CRSC jekh kotar legardutne kompanie ani ThR Kina ano barjaripe sistemi vaš kontrola sastrnalutno dromutnipen, thaj sikavdja pačavipe kaj ka ovol sa realizuimo ano rami e majbare standardjenca, soske akaja kompania siola tehnologia thaj sertifikatja ani harmonia e evropake normenca.

 

CRSC sito talokerdutno kinako konzorciumesko CRIC-CCCC vaš signalesko-siguripaski kontrola thaj telekomunikaciake bukja thaj bičalipe vastušeja vaš akala mašine ano lačardipe sigutni pruga kotar Beogradi dži Budimpešta.