RSS

You are here

Mihajlovićka e MMF-eja: Infrastruktura kotar fundono semnipe vaš ekonomikano barjaripe

Reforma sastrnalutno thaj dromesko sektori, investiripe ano neve auto-dromja thaj pruge, infrastrukturake projektja ano sektori aero thaj pajnesko dromutnipe, ama ini anglunipe Srbiako pi Doing biznis lista Lumiako bankako kotar šartja bizniseske thaj baripe lačardipaski industria sine teme avdisutne bešipasko telopresidentkako Thagarutna Srbiako thaj ministarkako vaš lačardipe, dromutnipe thaj infrastruktura, prof. dr Zorana Mihajlović, e misia Maškharthemutno monetarno fondi (MMF), savo sine legarela Jan Kes Martejn.

 

Mihajlovićka phendja kaj, naisaripa kotar stabilno budžeti thaj ekonomikana thaj politikana situacia, Thagarutni Srbia inicirindja nevo investiciako plani 2020-2025, molipa 16 milijarde evrja numa ani infrastruktura.

 

“Realizuindjam reforma sastrnalutno sektoresko, so amenge dela te investirina ano projektja lačardipaske thaj rekonstrukcia prugengo. Molipe projektjengo save siton akana sito paše jekh milijarda evrja vaš 370 km pruge, ano gatisaripe sitoj projektesko-tehnikaki dokumentacia vaš pana 520 km pruge ano molipe kotar 1,9 milijarde evrja thaj ano plani sito te rekonstruišinelpe pana paše 850 km pruge, a molipe odole projektjengo sito 3,3 milijarde evrja. Infrastrukturako thaj transportesko phandipe majsemno kotor amare ekonomikane aktivipasko”, phendja voj.

 

Telopresidentka lepardja e delegaciake MMF kaj ano nakhlo berš agorisalilo Koridori 10, sar ini etapa auto-dromeski “Miloš Veliki” dži Čačak, kaj lelape lačardipe štar neve auto-dromja ano sa lungipe 240 km, sar ini kaj kerelape dokumentacia pana pondž neve auto-dromja ano sa lungipe kotar 305 km.

 

“Uzo odova, kera pi reforma dromesko sektori, a sa ano reso kvalitetno adikharipe dromesko sistemi, ama ini keripe profitabilno publikaki firma, savi efikasno ka kerol buti thaj te ovelola šuže definišime obligacie thaj amboldipe”, phendja voj.

 

Ano bešipe sine lafi ini kotar investiripe ano aero thaj pajnesko dromutnipe.

 

“Kotar paluno bešipasta, amen putardjam ini trito maškharthemutno aerodrome, a planirina ini neve investicie, majangle ano lačardipe nevo kontrolno toranj vaš Aerodromi “Nikola Tesla”, ama ini Aerodromi “Konstantin Veliki”ano Niši, kote po agor 2019.beršesko sinamen 420.000 dromutne, a ano 2014 numa 1.300”, phendja voj.

 

“But investirina ini ano pajnesko dromutnipe, pšobuder kotar 300 milijojna evrja siton odola investicie, a projektja siton sar vaš portjengi infrastruktura, adžahar ini pi regulacia lejnako Dunav thaj rekonstrukcia beroske nakhavutne”, phendja i Mihajlovićka.

 

Kana sito lafi kotar Doing biznis lista Lumiako bankako kotar šartja bukjake, phendilo kaj Srbia kerdja anglunipe ano ikalipe urbanistikane mukhlipaske lila thaj arakhelape ano inato than ani lumia, ama ini phendilo kaj sig ka lelpe akciako plani Thagarutnako sar ini aver sektorja savi DB lista merinela astarena anglunipe.

 

“Te sine kaj vakhara kotar lačardipe, vov astarela semni rola ano baripe BDP. Vaš amenge, uzo čhivipe elektronikano urbanistikane mukhlipaske lila, kotar baro semnipe sito čhivipe e-katastri thaj e-plajna, savea akava sektori ka kera pana po efikasno”, phendja i Mihajlovićka.

 

Šefi misiako MMF Jan Kes Martejn phendja kaj realizuime reforme semne vaš podur investicie thaj ekonomikano anglunipe.

 

“Pendžarde sijam odolea kaj Srbia nakhela ano nevo investiciako ciklusi thaj kaj infrastruktura sitoj baro kotor odole planesko. Savakht mange čaljardipe te vakharav tumence, pakjavava kaj podur investiripe ani infrastruktura ka resol podur ekonomikano barjaripe phuvjako”, phendja vov.