RSS

You are here

Mihajlovićka e neve ambasadorea Bara Britaniako: Infrastruktura sito klidi barjaripe Srbiako, devipedumo braitaniaka thagarutnako

Infrastrukturake projektja ano drumosko thaj sastrnalutno dromutnipen, anglunisaripe biznis maškharipe thaj pozicia Srbiaki ani Doing business lista Lumiaka bankako, ama ini njamesko jekh jekhipe thaj socialno inkluzia Romengo thaj Romnjengo ano amalipe sine teme avdisutne bešipasko telopresidentkako Thagarutna Srbiako, prof. dr Zorana Mihajlović, e neva anavutna ambasadorka Bara Britaniako ani Srbia, Šan Meklaud.

 

Telopresidentka Mihajlović mangla šukharavilutni neva britaniaka ambasadorkake, sikhavipa pedo butlačho maškharipe Ministribasko thaj ambasadako.

 

"Sar so pendžardilen, ministribe pedo savesko čekat sim siole but baro portfolio. Srbia inicirinela nevo investiciako ciklusi thaj pobut kotar 80 šelestar sito vaš kapitalno investicie ani infrastruktura. Amaro strategiako reso sito te ova konekcia maškharo Javinutno thaj Rjačutno thaj te phanehape e regionea. Odolestar dža ano lačardipe disave neve auto-dromja, kotar savenda jekh sito Moravako koridori, ano savo lena kotor majlačhe finansijsko organizacie, sar UK fondi. Investirina but ini ano sastrnalutno sektori, a paralelno kera ini pedo anglunisaripe biznis maškharipe, ano savo tumari thagarutni but ažutinela", phendja i Mihajlovićka.

 

Ambasadorka Bara Britaniaki phendja kaj si but šaipe o maškharipe pana te zorakharolpe thaj te anglunisarolpe thaj kaj ano poro mandati ka kerol buti vaš odova.

 

"Umalja save tumen legarena siton kotar klidutno semnipe vaš podur ekonomikano barjaripe, stabilipe thaj avutnipe Srbiako thaj regionesko. Lošale sijam so šaj odoleske te da reslipe, sar kana vakhara kotar Doing business lista, adžahar ini ano infrastrukturake projektja savengo sijam kotor. Akate sijam pana podur te da dumo thaj ažutipe, majangle prekal Fondi šukhar direkciako Bara Britaniako", phendja i Meklaud.

 

Ano bešipe sine svato ini kotar anglunisaripe njamesko jekh jekhipe, ama ini vaš pašloipe romana khupatnako ani Srbia.

 

Ambasadorka Meklaud ašardja so astardile rezultatja ani umal anglunisaripe pašloipe džuvljeno ani amari phuv, phenipe kaj kaj ka dol dumo projektjenge ani akaja umal. Fondi vaš šukhar direkciako britaniaka thagarutnako finansirinela projekti "Njamesko amboldipasko vastalutnipe", savo vaš reso siole anglunisaripe publikaki politika thaj njameske principja, sar te pharuvenpe njamesko stereotipja thaj te lačarelpe ekonomikani pozicia džuvljengi.