RSS

You are here

Mihajlovićka e neve ambasadorea Indoneziako: But than vaš maškharipe duje raštrengo

Telopresidentka Thagarutna Srbiako thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e neve ambasadorea Indoneziako ani Srbia Mohamad Čandra Vidja Judea thaj oleja vakhardja kotar šaipe anglunisaripe maškharipe duje phuvjengo.

 

“Mangava Tumenge šukharavipe ani Srbia, pakjavava kaj ano vakhti Tumare mandatesko ka anglunisara maškharipe amare duje raštrengo, soske than vaš adžahar diso si. Srbia ano palune disave berša intezivno barjola, amari politikani thaj ekonomikani pozicia stabilno, agorisindjam bare infrastrukturake projektja thaj lelam nevo investiciako plani Srbia 2020-2025”, phendja i Mihajlovićka.

 

Ambasadori Indoneziako phendja kaj akaja phuv dikhela Srbia sar semno partneri.

 

“Pendjardilam e investiciake plajnea 2020-2025 thaj kama sine te ova kotor tumare barjaripaske. Amare lačardimaske kompanie interesuime te keren buti ani Srbia. Sektori infrastruktura sito amenge but semno, kana dikholape ini amaro master plani lačardipe ekonomikane koridorja. Semno sito te phana biznis manušen thaj firme. Uzo odova, but sijam interesuime ini vaš maškharipe ano sektori agronomiako”, phendja o Juda.

 

Ano bešipe sine lafi ini kotar maškharipe ano sektori aero dromutnipe thaj sikhavdilo gatisaripe solduj rigengo te kerolpe thaj te hramisarinole halovipe ano akava sektori, soske kaj bajrola gendo srbikane turistjengo ani Indonezia, ama ini interesuipe kompaniengo vaš te phanenpe.

 

“Numa ano nakhlo berš gendo turistjengo kotar Srbia bajrilo vaš 45 šelestar”, phendja o Juda.