RSS

You are here

Mihajlovićka e neve amerikake ambasadorea: Srbia si atraktivno vaš investicie, ka lungara te da dumo tumenge

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avive e neveanavutne ambasadorea Khedutne Amerikake Raštrengo ani Srbia, Entoni Godfrieja, thaj oleja vakhardja kotar lungaripe maškharipe duje raštrengo.

 

Mihajlovićka mangla šukharavilutnipe neve ambasadoreske KAR, sikhavipa adžukharipe kaj dži avdisutni šukhar maškharipe ka ovol lungardi thaj anglusardi ini ano olesko mandate.

 

“Nais tumenge pedo devipe dumo amara phuvjake thaj Thagarutna Srbiake. Srbia pharuvinelape thaj nane odoja anglo pondž berš, avdive sijam ekonomikano thaj politikano stabilno, so dela amenge šaipe te nakha ini ano nevo investiciako ciklusi molipa pobuder kotar 10 milijarde evrja”, phendja voj.

 

 Ambasadori Godrfi bahtakerdja e telopresidentkake thaj olake timeske pedo rezulttatja save astarde, ulavdipa baro semnipe Ministribasko vaš anglunisaripe srbikani ekonomia.

 

“Barikano sim pedo maškharipe amare duje phuvjengo, poulavdipe kana sito Doing business lista ano pučipe. Srbia sitoj lačhi phuv thaj khupatno maškharipa manglape te sikhava kobor sitoj atraktivno vaš neve investicie”, phendja o Godfri.

 

Vaš šukharavilutnipe , telopresidentka Mihajlović dendja e ambasadoreske Godfrieske azbuka ano galbenosivipe, buti srbikane džuvljengo kotar gava, save ano rami iniciativako Koordinaciako trupesko vaš njamesko jekh jekhipe, NALED-esko thaj Etno –mrežako “Te čhiva pi buti 1.000 džuvlja ano ruralno thana” produkuinena tradicionalno srbikane vastalutnokeripe.