RSS

You are here

Mihajlovićka e neve ministrea vaš transporti ano BthajH: Infrastruktura ka phanol amaro them kotar solduj riga Drinake

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e neve ministrea vaš komunikacie thaj transporti Bosna thaj Hercegovina Vojin Mitrovićea thaj oleja vakhardja kotar khupatne infrastrukturake projektja ano sektori dromesko thaj sastrnalutno dromutnipe.

 

Mihajlovićka kotar odova phendja kaj vakhardilo te formirinolpe khupatni operativno grupa savi ka dikhljarol realizacia akale projektjengo.

 

“Avdive vakhjardjam kotar lačardipe auto-drom kotar Beogradi dži Sarajeva, na numa kotar etapa Sremeski Rača-Kuzmin, savi nakhela prekal vakherdutni dinamika, uč ini kotar dujto angrustik kotar Požega dži Kotorman. Adžahar, sine lafi  kotar sastrnalutni konekcia thaj potencialno linie vaš rekonstrukcia prugaki, ama ini kotar phurt Ljubovija-Bratunac, prekal  savo majdur ano berš so avela ka džalpe neva samatrendako nakhipa”, phendja voj.

 

Mihajlovićka phendja kaj ano bešipe sine lafi ini kotar rekonstrukcia 11 phurtja maškhar duj raštre, thaj kaj Srbia ulavdja budžeti vaš šov phurtja.

 

“But buti anglo amende. Infrastruktura phanela manušen thaj amenge semno te phana amaro them kotar solduj riga Drinake, te dživdinen po šukhar thaj po lokhe te komunicirinen. Ka sikhava dizutnenge kaj šaj šukhar thaj labdardo te kera maškharipe, savakht sijen šukharavilen ani Thagarutni Srbiaki”, phendja i Mihajlovićka.

 

Ministri BthajH Vojin Mitrović phendja kaj akaja angluni maškharthemutni vizita thaj angluno ministribe kote sito dosti, thaj naisardja presidento Srbiake Aleksandar Vučićeske thaj srbikana thagarutnake, save ano nakhlo periodi kerde but vaš Republika Srpska, a odolea ini vaš BthajH.

 

“Nais tumenge pedo ažutipe, savo dži akana sito 30 milijojna evrja. Avdive vakhardjam kotar semne infrastrukturake projektja, sar kotar nevo auto-drom kotar Beogradi dži Sarajeva, adžahar ini kotar maškharipe ano sastrnalutno dromutnipe. Naisara tumenge so lelen te finansirinen phurt prekal Sava, savo ka phanol amaro them thaj duj raštre”, phendja vov.