RSS

You are here

Мihajlovićka e "Power China": Molipe khupatne projektjengo pondž milijarde evrja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e delegacia kinaka kompaniako "Power China Railway Construction", savo legarela Ren Lidži, telopresidenti kompaniako, thaj olenca vakhardja kotar infrastrukturake projektja save khupate realizuinena e Ministriba. 

 

"Amaro maškharipe sa pobut bajrola thaj molipe projektjengo save khupate realizuina thaj save siton ano plani siton pobuder kotar pondž milijarde evrja. Lošakarela amen so sijen kotor semne projektjengo ani Srbia - lačardipe trujalutno drom trujal Beogradi, purt pedi Sava thaj avutno beogradesko metro. Šukhar si mange so andjam ano jekhavazi ini Memorandumi kotar halovipe vaš projektiripe metro ano Beogradi thaj kaj sig lelape keripe ideako projekti", phendja i Mihajlovićka. 

 

Ren Lidži sikhavdja čaljardipe vaš lungaripe maškharipasko thaj phendja kaj "Power China" gatisarimi te dol poro reslipe vaš podur infrastrukturako barjaripe Srbiako, poulavdipe prekal projekti lačardipe beogradesko metro.

 

"Nais Tumenge pedo devipedumo savo dena ani realizacia sa projektjengo save kera khupate. Palo hramisaripe Memorandumi kotar halovipe, ka la keripe ideako projekti vaš metro ano Beogradi", phendja vov.