RSS

You are here

Mihajlovićka e presidentoa kinaki sastrnalutni: Sigutni pruga dži Stara Pazova ano marti, dži Novi Sad ano anglojevend 2021!

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e presidentoa kinaki sastrnalutni  Chinese Railway International Company (CRIC) Jan Žongminea thaj olea vakhardja kotar realizacia projekti moderniripe sigutni pruga kotar Beogradi dži Budimpešta. Ano bešipe lela kotor ini ambasadorka ThR Kina ani Srbia Čen Bo.

 

Mihajlovićka kotar odova phendja kaj Srbia sitoj barikani pedo relacie duje raštrengo, ama ini pedo amare duj presidentja Aleksandar Vučić thaj Si Djinping, thaj ulavdja kaj molipe infrastrukturake projektja e ThR Kina sito 15 milijarde evrja.

 

Projekti moderniripe sigutni pruga Beograd-Budimpešta sito but semno vaš Srbia, na numa so sito majbaro projekti ani Srbija thaj mesmerjavinutni Evropa, uč odolea sijam kotor globalno iniciativako “Khustik thaj drom”, pedo so sijam ulavde barikane soske vakharela kotar relacie Srbiake thaj ThR Kinake. Akale projektea inara Srbia ani pozicia tranzitno phuv prekal savi nakhela angluni sigutni pruga, odova nikana na sinamen”, phendja voj.

 

Mihajlovićka pana phendja kaj semno sito so adive alo ani Srbia presidento kinaki sastrnalutni, savea vakhardilo ini  kotar starti bukjengo ani trito etapa kotar Novi Sad dži samatrenda e Ungaria.

 

“Ano marti ano akava berš ka ovelamen agorisime 34 km solako traka ani pruga Beograd-Stara Pazova, dži oktobri ka ovol gata ini sasto traka, odova sito semno vaš Beogradi thaj “Beovoz”. Ano anglojevend 2021. ka ovol gata etapa dži Novi Sad, dži savo kotar Beogradi ka ava vaš 25 minutja. A ano marti ano akava berš ka la bukja ini ano trito etapa kotar Novi Sad dži samatrenda e Ungaria”, phendja i Mihajlovićka.

 

 Jan Žongmin naisardja e telopresidentkake Mihajlović thaj ministribaske pedo suporti thaj ažutipe ani realizacia akale projektesko, phenipe kaj idž ano tereni dikhlardja kaj sa bukja džana pe kontrakteski dinamika.

 

“Nanamen problemja ani realizacia projektjengo thaj kotar miri rig, sar godaripaski kompania, ka kera sa vaš bukja te kerenpe pedi vakhardutni dinamika. Tumaro kontinuirimo devipedumo sito but semno amenge”, phendja o Jan Žongmin.