RSS

You are here

Mihajlovićka e “Rusiake sastrnalutnenca”: Ando than dizeli, ka kera lokomotive pedo gasi

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e anglune javerutnea generealno direktoresko ani “Rusiake sastrnalutne” Sergej Pavlovea thaj olea, uzo ambasadori Rusiaka Federaciako ano Beogradi, Aleksandar Bocan Harčenko, vakhardja kotar nakhutne thaj avutne infrastrukturake projektja ano sastrnalutno dromutnipe.

 

Mihajlovićka kotar odova phendja kaj RŽD jekh kotar majšukhar lumiake kompanie save kerena buti ano majphare thaj majbare projektja ano akava kotor Evropako-lačardipe sigutni pruga kotar Beogradi dži Budimpešta, thaj kaj po agor berš savo avela kotar Beogradi dži Novi Sad ka tradolpe 200 km/h.

 

“Rusiaki raštra sito amaro amal thaj partneri thaj avdive vakhardjam ini kotar neve projektja, kotar savo sine lafi ini maškhar amare duj presidentja Aleksandar Vučić thaj Vladimir Putin, majangle lungaripe Bareski pruga kotar Valjeva dži Vrbnica thaj lačardipe jekhutno dispečersko centri. Adžukhara kana ka avol generalno direktori RŽD ano aprili te hramisara halovipe kotar rekonstrukcia prugako, ama ini te pašlarolpe kapsula thaj te leparolpe starti bukjako ano lačardipe akale dispečersko centri”, phendja voj.

 

Telopresidentka Thagarutnaki phendja kaj sitoj barikani pedo devipedumo Rusiako Federaciako thaj pana phendja kaj RŽD dikhlarela bahami kaj ani Srbia te kerol kupatni kompania vaš lokomotive ano gasi, so šaj te ovol kotar baro semnipe vaš amari ekonomia. 

 

Sergej Pavlov  phendja kaj bukja ani etapa sigutne pruge kotar Stara Pazova dži Novi Sad kerelape pedo kontrakteski dinamika thaj kaj  voj sitoj kotor dromutnikano koridoresko savea pamurja ka džan 200 km ano sati.

 

“Uzo aktuelno projektja, avdive vakhardjam ini kotar neve aktivipe, maj angle kotar Bareski pruga thaj jekhutno dispečersko centri. Amen ani Srbia ano lačardimaske thana sijamen 1.500 bučarne thaj bahtale sijam so amare srbikane kolegenca šaj te ulava džandipe thaj sikhlovipe”, phendja o Pavlov.

 

Ambasadori Bocan Harčenko naisardja e telopresidentkake thaj ministribaske pedo šukhar saastardutno maškharipe thaj suporti, so sito but semno vaš labdardo implementacia projektjengo.

 

“Barikane sijam so“Rusiake sastrnalutne”siton kotor barjaripasko Srbiako thaj realizacia projektjengo ani tumari phuv. Barjaripe infrastruktura sito klidutno vaš integracia Srbiako ani Evropa thaj sigurno sim kaj ini podur ka kera lačho maškharipe  ano sektori infrastrukturake projektja”, phendja vov.