RSS

You are here

Mihajlovićka e sastrnalutne firmenca kotar sanacia škodrako thaj bukjako ano vakhti epidemiako

Telopresidentka Thagarutna Srbiako thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive bešipe e k.b. generalno direktorjengo štar raštrake sastrnalutne firmengo-“Srbija voz”Jugoslav Jovićea,“Srbija kargo”Dušan Garibovićea, “Železnica Srbije a.d.” Goran Adžićea thaj javerutno direktoresko ”Infrastrukture železnice Srbije” Milan Maksimovićea - kotar buti sa firmengo, statusi projektjengo thaj dikhlaripe škodrako ano avrirndomo situacia vaš korona virus.

 

“Ani krizaki situacia sar sitoj akaja e korona virusea, savi khuvdja sa lumia, semno sito te adikhara niveli aktivipasko thaj te adikhara likvidipe firmengo. Raštra gatisarinela plani  napjengo vaš sanacia škodrako vaš epidemia, saveja poulavdipe ka oven astarde sastrnalutne firme. Tumendar adžukharava analiza momentalno situaciako, sar ini bahamja napjengo save te amortizuinen škodra ano sastrnalutno sektori”, phendja i Mihajlovićka. 

 

Ano bešipe kerdili konstatacia kaj aktuelno projektja ani sastrnalutni realizuinenape, ini kaj paruvdisali dinamika ini uzo po tikno gendo bučarnengo.  

 

“Semno te adikhara kontinuiteti ano infrastrukturake  projektja. Majšukhar misal vaš odova sito lačardipe sigutna prugako kotar Beogradi dži Budimpešta, kote ani etapa Stara Pazova-Novi Sad, sar jekh kotar majrodutno lačardimaske thana ano mesemrjavinutni Evropa, anglo disave dive pharavdilo tuneli Čortanovci”, phendja telopresidentka Thagarutnaki. 

 

Mihajlovićka pana jekh drom sikhavdja rovipe vaš meribe jekhe bučarnesko “Infrastrukture železnice” ano Niši, sebepi korona virus, thaj phendja vastalutnipenge ano sastrnalutne firme kaj majsemno te uluvinen sastipe thaj dživdipe bučarnengo, pakjavipa sa napja arakhibaske save hramindja Thagarutni Srbia.