RSS

You are here

Mihajlovićka e sindikatjenca sastrnalutnake kotar pošukhar šartja bukjake

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović, vakhardja avdive e dženutnenca reprezentativno sindikatja štare raštrake sastrnalutne firme kotar lačardipe šartja bukjake thaj pašlovipe bučarnengo ani sastrnalutni.

 

“Sastrnalutni avdive našti te kerolpe komparacia e sastrnalutna anglo pondž thaj šov berš, ini pedo odova kobor investirinolpe ano moderniripe prugako thaj pampurjengo, kobor siton efikasno sastrnalutne firme thaj odova sito diso pedo so akaja Thagarutni ulavela kotar aver poangle thagarutne. Manga amari sastrnalutni te ovol pana pošukhar thaj pedo odova musaj te kera buti saren kupate-raštra, menadžmenti thaj sindikatja, savo siton amaro partneri ano sa so kerelape ani sastrnalutni. Semno sito te kera buti kupate ini pedo agorisipe problem bukjake manuša, soske nane basandune te ovelamen rekonstuišime pruge thaj neve pampurja, te sine kaj nanamen manušen, soske ilo sastrnalutnako olake bučarne”, phendja i Mihajlovićka.

 

Šerutne teme bešipaske sine lačaripe matrialno pašlovipe bučarnengo ani sastrnalutni, prekal avutne pharuvipe kolektivno kontraktja, lačardipe šartja bukjake thaj agorisipe problem deficiti bukjake manuša ano disave profilja ani sastrnalutni.

 

Ano bešipe, uzo dženutne sindikatjengo, lele kotor ini k.b. generalno direktorja “Srbija voza” Jugoslav Jović, “Srbija kargo” Dušan Garibović thaj “Železnica Srbije a.d.” Goran Adžić, sar ini javerutno direktori “Infrastrukture železnice Srbije” Milan Maksimović.