RSS

You are here

Mihajlovićka e "Taš japi" kotar lačardipe auto-drom Beograd-Sarajevo thaj khera vaš dženutne zoralipe arakhipaske

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e dženutnenca turkiaka kompania "Taš japi" kotar projekatja savi akaja kompania realiziuinela ani Srbia ano lačardipe dromeski infrastruktura thaj khera (apartmajna) vaš dženutne zoralipe arakhipaske.

 

"Kompania "Taš japi" realizuinela disave kotar prioritetno projekatja ani Srbia ani umal infrastruktura, sar so sito lačardipe angluni etapa auto-drom Beograd-Sarajevo, kotar Sremeski Rača dži Kuzmin, sar ini anu umal kherengo lačardipe. Vaš Ministribe semno sito kaj sa akterja ano projekti kerena koordinirimo buti thaj pačavinena kontrakteske rokja thaj kana kerelapi buti kotar dromja, sar ini kana sito svato kotar lačardipe khera vaš zoralipe arakhipaske ani Niši thaj Vranja", phendja i Mihajlovićka.

 

Akterja ano projekti lačardipe auto-drom Sremeski Rača-Kuzmin raportirime e telopresidentkake kotar planirimo dinamika bukjengi pedo akava projekti, a adžahar ini dikhlardilo statusi projektesko vaš rekonstrukcia drom Novi Pazar-Tutin.

 

Uzo odova, ano bešipe dikhlardilo ini anglunipe ano lačardipe sa 376 apartmajna ani Vranja thaj Niš,anglune duj dizja ani Srbia ano save lelape lačadripe apartmajna vaš dženutne zoralipe arakhipaske.

 

Ano bešipe lele kotor ini dženutne JP"Putevi Srbije", Lačardimaski direkcia Srbiaki thaj Dromutnikano instituti CIP.