RSS

You are here

Mihajlovićka e Unija bukjakedevutne Srbiake: Balval ano dumo vaš pana pobaro ekonomikano barjaripe

Telopresidentka Thagarutna Srbiaki thaj ministarka vaš lačardipe, dromutnipe thaj infrastuktura, prof.dr ZoranaMihajlović, hramisarda avdive e Miloš Nenezićea, presidento Unijako bukjakedevutne Srbiako, Memorandumi kotar maškharipe maškhar ministribe thaj Unija.

 

Mihajlovićka vaš odova phendja kaj Memorandumi kotar maškharipe e Unija semno soske kaj Unija sitoj odote te dol balval ano dumo vaš pobare rezultatja, pobaro ekonomikano barjaripe phuvjako, thaj kaj aktivno ka lol kotor ano keripe kanunjengo savo ministibe gatisarinela.

 

“Raštra siola rola te kerol šartja kaj o bukja kvalitetno kerenape thaj maškharipe e Unija bukjakedevutnenca  ano odova sito but semno. Amen sijam phuv savi avdive siola pobuder kotar 55.000 lačardutne thana, inato sijam ani lumia kotar ikalipe urbanistikane mukhlipaske lile, sijamen  majbaro adamo ekonomikano barjaripe thaj investirina milijarde evrja ano infrastrukturake projektja”, phendja voj.

 

Miloš Nenezić sikhavdja čaljardipe vaš hramisardipe akale Memorandumesko, phenipa kaj odolea astarelape pana popaše maškharipe thaj kaj Unija ka lol aktivno kotor ano keripe neve kanunja.

 

“Akava memorandumi sito ino dovada kaj resoresko ministribe thaj telopresidentka Mihajlović halovena semnipe Socioekonomikano turvinutnipe thaj socialno aktivipe. Khupatna bukja ka ava dži polačhe rezultatja”, phendja vov.

 

Barikano presidento Unijako Nebojša Atanacković phendja kaj bari doš so Ministribe vaš lačardipe, dromutnipe thaj infrastruktura nane kotor Socioekonomikano turvinutnipasko, ama kaj akale Memorandumea kotar maškharipe odova ka kerolpe.

 

“Ministribe vaš lačardipe, dromutnipe thaj inftastruktura avdive siole but pobaro semnipe ze poangle, kana situmen ano dikhipe sigaripe lačardimaska industriako thaj infrastrukturake projektja save realizuinenape. Prekal aktivipe amare dženengo ka resa kaj odola rezultatja ka oven pana pošukhar”, phendja o Atanacković.