RSS

You are here

Mihajlovićka: Ekonomia našti te ačhol, te kerolpe buti uzo sa napja dikhlaripaske  

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović phendja avdive ani Ljubovija kaj propozalo akale Ministribasko kotar starti epidemia korona virus savi khuvdja e Srbia thaj sa lumia sine te kerolpe buti uzo sa napja dikhlaripaske.

 

„Amen ano avdisutno dive sijamen 5.700 bučarne ano lačardimaskethana ani buljardi Srbia. Dži akana nanamen nijekh inficirimo thaj me phenava kaj saren te ova godarutne thaj kaj uzo sa napja dikhlaripaske šaj amen te uluvina“, phendja voj.

 

Mihajlovićka lepardja kaj lačardimaski sezona sitoj ano majbaro učipe thaj akhardja saren save šaj te keren buti moildikano sito te keren buti.

 

„Ekonomia našti te ačhol. Moldikano sito kaj amaro ekonomikano barjaripe ini minimalno džala angle. Momentalno kerenape sa bare infrastrukturake projektja-kotar Moravako koridori, auto-drom Sremeski Rača-Kuzmin, Ruma-Šabac-Loznica, nevisardipe sigutni pruga kotar Beogradi dži Budimpešta. Trujalutni trujal Beogradi, a ano avgusti adžukharava ini hramosaripe tenderesko vaš nevo auto-drom kotar Niš dži Pločnik“, phendja voj.