RSS

You are here

Mihajlovićka: EU putardja samatrenda ama anglo drom dikhlareni regule vaš sakoja phuv

Telopresidentka  Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović phendja ano detharinesko programi TV Hepi kaj idžesta nevisardilo urjavipe ini ano trito maškharthemutno aerodromi “Morava” ani Kraljevo vaš Beč thaj akhardja dizutnen kaj anglo tradipe te dikhlaren regule thaj napja save si validno vaš raštra ano savi planirinena o drom.

 

“Evropaki unia andja deklarativno pratsav kotar putaripe samatrenda vaš amare dizutne, ama sakoja raštra siola pere regule thaj moldikano sito kaj anglo drom sa šukhar te dikhlaren. Ani Germania po misal pana amare raštrune našti te khuven. Akala regule ka pharuvinenpe ano sakola 7 dži 15 dive thaj odova sito normalno ani situacia ani savi sa lumia arakhelape”, phendja i Mihajlovićka.

 

Voj pana lepardja kaj tranzitno dromutnipe sa vakhti funkcionišinela ano vakhti epidemia korona virus, ama tradipe ano akava vakhti sitoj čačikani avantura.

 

“Amboldipe sito pedo saren amen. Te sine kaj anena pratsav te džan po drom, dikhlareni sa e ambasada odola phuvjako thaj ministriba avrune bukjengo. Avdive po misal situmen urjavipe vaš Skijatos, ama musaj but lila  save mangenape te pherenpe. Srbia adžahar lačhi phuv, šaj sar angluno te dikhlara ola, te sine kaj uč manga te tradina”, phendja voj.

 

Telopresidentka Thagarutnaki inardjape ini pedo momentalno baripe gendo inficirime korona virusea.

 

“E korona musaj te sikhlova te dživdina soske voj sitoj sa vakhti akate  thaj ka ovol ini  ano anglojevend ini ano jevend. Moldikano majangle te uluvina amaro sastipe. Moro maniri nane te atakujnav dizutnen ni na gndinava adžahar, ama kotar starti miri pozicia sitoj kaj sako amendar musaj te logarinol logari kotar peste thaj manuša trujal peste, te ova basandune korkorodžandune thaj te adikharahape pedo regule”, klidutnindja i Mihajhlovićka.