RSS

You are here

Mihajlovićka: Habe sito brendi Srbiako, voj sito amaro galbeno

"Habe sito brendi Srbiako, sar so siton ini manuša, sar Novak Djoković jase Tesla, srbikano brendi. Habe sito amaro galbeno thaj sa dži si adžahar sajmja odova sito semno kaj Srbia džividnela thaj barjola", phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr. Zorana Mihajlović.

 

Voj, putaripa manifestacia „Belgrade Food Show“ phendja kaj sar resoreski ministarka lačarela dromja thaj pruge, so sito baza sar srbikane produktja ovena plasirime na numa ani phuv, uč ini ano regioni thaj po bufle.

 

"Lačara droma, pruge thaj barjara aerodromja sar bi sa so produkuina ani Srbia šaj te bičala ini avri amara phuvjata. Reso sito te sikhava Srbia ano sa umalja thaj so pobut te labarina potenciali habaska industriako thaj učo kvalitetno habe. Thagarutni Srbia pendžardja semnipe akala umalako thaj ka lungara te dadumo produktorjen thaj srbikano potenciali te kera so popašutno, sar bi kotor akala industriako ano BDP ovela pobaro kotar 3,5 šelestar. A sa odova kaj amare manuša te ačhon akate te dživdinen thaj te keren buti", phendja voj.

 

Mihajlovićka pana phendja kaj voj sito odova so mangela amaro habe soske učo kvaliteti produktjengo savi amari phuv siola thaj manglape te ačhon srbikano brendi.

 

Šenli Pinčoti, direktorka USAID-esko ani Srbia, phendja kaj Srbia siola potenciali te ovol lideri ani produkcia učo kvalitetno habaske thaj kaj akaja organizacia ka lungarol te doldumo amara phuvjake ano reso podur ekonomikano barjaripe.

 

"Habaski industria sitoj lačho šaipe thaj baro potenciali vaš Srbia. Dovada sim e kobor kreativipa thaj kamipa gatisarinena habe thaj manga te dadumo kaj ini aver, avri Srbiata odova šunena. Akava sajami sito šansa ini biznismejna te phanenpe thaj te sikhaven piri produkcia", phendja voj.

 

 Dejan Randjić, dženo Direkciako šerutnipe Asociaciako vaš promocia srbikano habe, sikhavdja čaljardipe so „Belgrade Food Show“ adikharelape dujto berš rndoa, phenipa kaj manifestacia  sitoj vaš Srbiake thaj regioneske thaj amare majkvalitetno habe.

 

"Akava nane numa sajami thaj ekspozita, uč ini konferencia ano savi ka šuna pobuder kotar trendja ani akaja umal. Sigirno sim kaj but džene ka iklon kotar akava kaj Srbia siola so te dol, a kaj ka kera reslipe so pobut biznismejna džana ano drom produkcia habasko", phendja vov.