RSS

You are here

Mihajlovićka: Halovipe kotar Vašingtoni anela ekonomikano barjaripe thaj pošukhar bilateralno maškharipe e Khedutne amerikake raštrenca

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive ano Stapari kaj ekonomikano halovipe hramisardo ano Vašingtoni but semno vaš barjaripe sa regionesko, ini kaj ani Srbia šaj te šunenpe aver aver čudipaske gndipe kotar odova.

 

“Nisavo statutesko agorisipe nane hramisardilo ano Vašingtoni ni na sine lafi kotar pačavipe Kosovo thaj Metohia. Ano pučhipe sito Halovipe savo anela investicie ano molipe paše štar milijarde dolarja thaj save siton semne vaš ekonomikano barjaripe sa regionesko”, phendja voj.

 

Mihajlovićka pana phendja kaj Halovipe kotar Vašingtoni anela ini pošukhar bilateralno maškharipe amare duj raštrenge thaj kaj sitoj lošali so ka avol Amerikako barjaripasko fondi ani Srbia.

 

“Ano pučhipe sito fondi savo sito kotor amerikaka thagarutnako thaj ano savesko dikhlardutno šerutnipe siton, maškhar aver, ini Pompeo thaj Ros, uče amerikake funkcionerja. Srbia sikhavdja kaj sitoj putardi phuva vaš investicie, ani amari teritoria kerena ini amerikake ini kinake ini rusiake, azerbejdžaneske thaj but aver lumiake kabilutne kompanie. E Amerikake fondea ka vakhara kotar projektja, uzo auto-drom Niš-Merdare-Priština, ka ovol lafi ini kotar nevo auto-drom kotar Bujanovci dži Štrpce, rekonstrukcia dromengi ano KthajM, phandipe sastrnalutnako. Vaš amenge moldikano sito, kaj uzo Bareski te iklova ini ani albajnengi porta. Putardilam thaj manga te barjara amari phuv, soske  reso sito o dizutne te dživdinen pošukhar”, dendja klidutnipe Mihajlovićka.