RSS

You are here

Мihajlovićka hramisarda evropaki Deklaracia kotar arakhipe sastrnalutnipaski

"Strategiako interesi Thagarutna Srbiako sito barjaripe thaj investiripe ano sastrnalutno dromutnipe thaj anglunisaripe arakhipe dromutnipasko. Ano nakhle disave berša kerdjam but -kotar restrukturiripe sastrnalutne firmengo dži investiripe ano sastrnalutni", phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj ano IPA samiti hramisarda Deklaracia kotar arakhipaski kultura evropaki  sastralutni, thaj vaš odova  phendja kaj anglo efta-ofto berš na sinam ani situacia ni te gndina kotar akaja tema soske srbikani sastrnalutni na sine ni paše ko minimalno čhinavdipe bukjake thaj arakhipaske. 

 

"Regionalno phandipe sito fundo avutne barjaripasko thaj vaš odova sito semno so adive amenca siton amala kotar sa phuvja regioneske. Ka pharuvina empirie, ama ini vakheripe kotar anglunisaripe kanunipasko rami. Amaro reso sito te inara dromutnen ano sastrnalutno dromutnipen thaj te barjara efikasipe kargosko", phendja voj. 

 

Mihajlovićka pana phendja kaj Srbia manglape te labarinol poro potenciali thaj, sar sitoj bitrujalutni ruta maškhar javinutno thaj rjačutno ano dromesko dromutnikanipe, adžahar manglape ini sastrnalutni te inara ani mapa evropaka sastrnalunako. 

 

Sem Fabrici, šefi Delegaciako EU ani Srbia, phendja kaj e Unia dela baro semnipe arakhipaske thaj phandipaske, thaj bahtakerdja Thagarutna Srbiake thaj Evropaka agenciake vaš sastrnalutni pedo avdisutno hramisaripe Deklaraciako kotar arakhipaski kultura.

 

"Phandipe sito gndipasko semno elementi vaš arakhipe ano dromutnipe. Sastrnalutne siton poharijalutno čhandi transportesko thaj resena arakhipaske thaj efikasipaske ano dromutnipe. Ano disave nakhle berša EU investirindja pobuder kotar jekh milijarda evrja ani Srbia ano umal transporti thaj ka lundjara te da dumo. Bahtakerava Thagarutna Srbiake ano agorisipe paluna etapako ano Koridori 10, pedo auto-drom vaš Bugariake", phendja o Fabrici.

 

Lazar Mosurović, k.b. direktori Direkciako vaš sastrnalutni, phendja kaj avdisutno hramisaripa akala deklaraciako sastrnalutne Srbiake ovena kotor bara evropaka sastrnalutna familiako.

 

"Arakhipe dromutnipasko sito bajo sa sastrnalutnengo ani Evropa thaj ano interesi sarenengo te lungaren te keren pedo odova. Direkcia vaš sastrnalutne pačavinela procedure EU thaj harmonizuinela pere norme e evropake normenca. Avdive  e Deklaracia kotar arakhipaski kultura ka hramisarinol pobuder kotar 35 institucie kotar phuv thaj regioni", phendja o Mosurović. 

 

Khupatne e telopresidentka Thagarutnaki, Deklaracia kotar arakhipaski kultura evropaki sastrnalutni hramisarde ini Piter Mim, IPA menadžeri projektesko kotar Evropaki agencia vaš sastrnalutni thaj Lazar Mosurović, k.b. direktori Direkciako vaš sastrnalutni.