RSS

You are here

Mihajlovićka hramisarda kontraktja e germaniaka barjaripaska banka KfW molipa 11 milijojna evrja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, hramisarda avdive finansisko kontraktja e germaniaka barjaripaska banka KfW ano sa molipe 11 milijojna evrja, vaš realizacia projekteski lačardipe regionalno deponia ano Kruševci thaj Vranja.

 

Vaš realizacia projektjengo ano Kruševci thaj Vranja, uzo 11 milijojna evrja kontraktja donacie savo avdive hramisardilo, reslile ini pana 22 milijojna evrja, so kerela sa 33 milijojna evrja vaš lačardipe projekteski dokumentacia thaj lačardipe regionalno deponia vaš zoralikano gunoj ano Kruševci thaj Vranja.

 

“Duj finansijsko kontraktja vaš donacia save avdive hramisardam molipa sa sito 11 milijojna evrja. Numa, odova sito kotor odolesko so, sar Ministribe kera e KfW, ano avipa ka lačara ini fabrika pajneski thaj realizuina projektja ano sektori šužardipe melale pajna, a sa molipe projektjengo pedo save kera maškharipe sito pobuder kotar 200 milijojna evrja”, phendja i Mihajlovićka.

 

Voj phendja kaj vaš Thagarutni Srbiaki thaj dizutne Srbiake maškharipe e germaniaka barjaripaska banka KfW but semno, soske “nane basandune te ovol numa transporteski thaj energetikani infrastruktura, uč ini semene vastušeja investirinenape ani komunalno infrastruktura”. 

 

Ambasadori Germaniako ano Beogradi, Tomas Šib, phendja kaj Germania na numa so sito majbaro bilateralno kinipasko-biknipasko partneri Srbiako, uč ini majbaro bilateralno donator. ”Manga te da zoralo suporti Srbiake pedo olako drom ano dženipe ani Evropaki unia. Dokumenti 27, savo sito vaš uluvipe dživdipasko maškharipe, but sito rodutno thaj projekti  vaš savo avdive semno hramisalilo kontrakti sikhavela klidutno punkti kana vakhara kotar pherdipe obligaciengo kotar akava Dokumenti 27. Dži akana  majbut dende sijam turvinutnipasko ažutipe ano sektori direkcia gunojea, a akana la ini konkretikane projektja”, phendja o Šib.  

 

Šefi paviljonesko vaš komunalno infrastruktura vaš mesemerjavinutni Evropa thaj Turkia ani barjaripaski banka KfW, Kirk Mildner, phendja kaj kontraktja save avdive hramisalile pana jekh verifikacia učo kvaliteti maškharipasko, savi sitoj aver-aver, saastardutni thaj efektivno thaj ano mištipe dizutnengo Srbiake. “Centri amare džiavdisutne aktivipasko sine sektori anibe pajnesko thaj vastalutnipe melale pajnenca ano diza maškharutne baripaske. Akana nakha jekh neve programea savea KfW ani Srbia khuvela ini ano sektori vastalutnipe zoralikane gunojea, kote si baro manglipe vaš investiripe  thaj vaš harmonizuipe e rodipenca EU ano akava sektori”, phendja o Mildner.

 

Kontrakti, uzo Mihajlovićka thaj Mildneri, hramisarda ini direktori Kancelariako KfW ani Srbia, Arne Gos.