RSS

You are here

Mihajlovićka: Iniciativa vaš registruipe trin srbikane kilimja ano UNESKO lista lumiako phuranipe

“Kotar 2017. berš, kana e NALED-eja thaj Etno-mreža lelam iniciativa  “Te čhiva pi buti 1.000 džuvlja ano ruralno thana”, 698 džuvlja kerena buti ano tradicionalno vastalutnokeripe, savea sikhavdjam na numa so garava srbikano kulturako phuranipe, uč resa te kera ekonomikano zoralipe thaj čhivipe pi buti džuvljengo kotar gava, leipa ano dikhipe kaj 50 šelestar bukjake khabilutne gavutne džuvlja formalno bibukjako”, phendja avdive telopresidentka Thagarutna Srbiaki thaj presidentka Koordinaciako trupesko vaš njamesko jekh jekhipe, prof. dr Zorana Mihahjlović.

 

Voj, sikhavipa khupate e ministrea vaš kultura thaj informišipe Vladan Vukosavljevićea Srbikano saloni ani Thagarutni Srbiaki, phendja kaj sa oficielno manuša save khuvena ano akava saloni e pačavipa te dikhen sa odova so srbikane džuvlja kerde thaj te sikhaven baro interesuipe, uzo tradicionalno vastalutnokeripe savenge delape, te vizituinen ini aver kotora Srbiake.

 

“Ano maškharvakhtipe, khupate e NALED-ea thaj ambasadorjenca kotar Germania thaj Kanada, dendjam oficielno iniciativa Etnografeske muzejeske kaj trin kilimja-pirotesko, staparsko thaj sjenicako-peštersko registruinenpe ano UNESKO lista lumiako kulturako phuranipe thaj ka dikha kaj dži ano marti odova te gatisarinolpe. Adžahar, semno sito te la ini kanuni kotar zanati sar semno kanunipasko rami vaš podur barjaripe akale sektoresko, a ano berš so avela ka kera ini pedo lačardipe instituti “akhardutne tradiciake” ano lokalno korkorodirekcie sar vaš amaro kulturako barvalipe uluvina thaj ano čačikano čhandipe sikhava ani amari phuv thaj ani lumia”, phendja voj.

 

Mihajlovićka bahtakerdja sa džuvljenge save lele kotor ano projekti “Te čhiva ani buti 1.000 džuvlja”, ama ini ministrjenge save dena dumo akale projekteske.

 

Ministri Vukosavljević phendja kaj raštra aktivno kerela pedo afirmišipe uluvipe kulturako mangin thaj kaj ano maškharipe e Ministriba vaš lačardipe, dromutnipe thaj infrastruktura kerdilo direkciako lil kotar labaripe džendunipe Kanuneske vaš planiripe thaj lačardipe thaj Kanuni kotar kultura, savenca sigurinelape pačavipe thanutne thaj urbanistikane plajna uzo adikharipe kulturako thaj istorikano phuranipe.

 

“Kerdjam disave adamja ano uluvipe thaj sikhavipe matrialno thaj bimatrialno kulturako phuranipe, soske odova sito ano interesi amaro multikulturako identiteti”, phendja vov.

 

Violeta Jovanović,presidentka Direkciako šerutnipe Etno-mreža,phendja kaj reso akale aktivipaske  kulturako lačardipe, garavipa kulturako phuranipe thaj zumavipe ekonomikano zoralikanipe džuvljeno.

 

“Srbikano thaj vojvodinako saloni resena praksake kulturaki diplomatia-devipa tradicionalno vastalutnokeripe e avrijalutne oficielno manušenge amen garava amaro phuranipe, ama ini kera hanig lovengo vaš džuvlja ano gava. Nais telopresidentkake savi bičhindipa kerela promocia amara iniciativako thaj ažutinela džuvljen kotar gava te khuven pi buti”, phendja i Jovanovićka.

 

Voj pana phendja kaj semno sito te čhivelpe instituti garavdipe tradiciako thaj te anelpe kanuni kotar zanati, ama ini podur bufljaripe džandipasko kotar semnipe garavipe nacionalno identiteti thaj bičhalipe informacie kotar tolerancia thaj multikulturalipe.

 

Dušanka Golubović, dizakopočekatuni Somboreski, phendja kaj naisaripa telopresidentkake thaj NALED-eske kerdjam revitalizacia staparsko kilimi thaj kaj but džuvlja sikhavdile te khuven, savea garavelape bimatrialno kulturako barvalipe Srbiako.

 

Jovanka Šiovljanski kotar Amalipe džuvljeno “Gorocvet” kotar Indjia phendja kaj but džuvlja nakhle treningo thaj sikhlile sa tehnike bukjake thaj kaj akava amalipe ulavdo specializuimo vaš tehnika sivipasko thaj galbenosivipe. Olenge produktja ale dži ko but raštrune manuša, maškhar save ini kinako president Si Djinping, savo lela kraleski kustik.

 

Vastalutnokeripe srbikane džuvljengo kotar gava-azbuka ano galbenosivipe, matrijalja thaj srbikane peškirja-arakhle than ko pobuder 100 diplomatja. Rusiako presidento Vladimir Putin thaj franciako presidento Emanuel Makron lele piroteske kilimja, staparsko kilimi lela princi Čarls, a kralesko kustik kerdilo vaš kinako presidento Si Djinping.