RSS

You are here

Mihajlovićka: Jekhavazutno komercialno kontrakti vaš Moravako koridori, mukhlipe auto-dromesko Surčin-Obrenovac 18.decembrea

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj adžukharela kaj komercialno kontrakti e strategiake partnerea vaš lačardipe Moravako koridori, e konzorciumea Behtel-Enke, ovela lelimo ano kurko so avela ano bešipe Thagarutna Srbiako, a palem te lenpe ini bukja, ani etapa uzo Kruševci.

 

“Idž ano vakheripe kerdilo jekhavazipe komercialno kontraktesko vaš akava projekti thaj adžukharava kaj majangle ano luja bahami kontraktesko ovela ani bukjaki grupa Thagarutnaki, a ano žoja ini ano bešipe Thagarutnako, kote, adikharava, ka ovol ini lelimo. Gatisardili lokacia vaš te startujnen bukja, ani etapa uzo Kruševci, thaj adžukhara bukja te lenpe vaš 10 dži 15 dive”, phendja i Mihajlovićka amboldipa pedo pučipe žurnalistjengo pali konferencia Amerikaki ekonomikani komorako (AmCham) “Eftato nakhavno vakhti-2019. berš”.

 

Telopresidentka Thagarutnaki phendja kaj lafi sito kotar semno infrastrukturako projekti savo ka phanol paše 500.000 manuša ani centralno Srbia, dizja Kruševac, Trstenik, Vrnjačka Banja, Kraljevo thaj Čačak.

 

Voj pana phendja ini kaj 18.Decembrea ka ovol mukhlo ano dromutnipe etapa auto-dromeski ”Miloš Veliki” kotar Surčin dži Obrenovac.

 

“Barikani sim pedo odova projekti, akaja Thagarutni praktikane legarela kotar starti o projekti , bukja lelile 2017, a ka oven agorisime ano decembri, anglo nakhipe kontraktesko roki ano januari 2020. berš”, phendja i Mihajlovićka.