RSS

You are here

Mihajlovićka: Kamiojna ano tranziti adivesta bi policiako dikhlaripe, roba po sig ka avol dži ko majpalutne kinutne

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja kaj avdivesta cidisalo policiako dikhlaripe kamiojnengo ano tranziti prekal Srbia, so ka resolpe po sig tradipe robako dži majpalutne kinutne.

 

„Ministribe inicirindja iniciativa ki Slovenia thaj Kroacia kaj ini von anena jekha jekh napja, sar ini dizutne Srbiake, sar ini aver phuvjengo ano maškharipe, te len po sig roba thaj habe.

 

Srbia kerdja angluno adamo, thaj pakjavava kaj ini amare kolege kotar regioni, savenca sinamen šukhar thaj but intenzivno maškharipe kotar starti krizako savi zumavdili pandemija korona virus, sig ka anen adžahar napja“, phenela i Mihajlovićka.

 

Voj pana phendja kaj akala napja gatisardile ani koordinacia e Ministriba andrune bukjengo, jase Direkcia dromutnikana policia thaj Direkcia samatrendaka policia, savenca Ministribe intenzivno kerela pedo arakhibe biloptripasko phiribe kamiojnengo ano šartja epidemiako.

 

„Akala napja siolen dujvar mištipe soske, kotar jekh rig, ka ovelamen sigutno tranziti prekal Srbia, a kotar dujto rig po hari pharutnipe dženutnengo MAB-eske so dikhlarena konvoja kamiojnenge.

 

Adžahar, po harno ačhavipe kamiojnengo ano samatrenda thaj semno harnjarolpe sa lungipe tradipasko semno ini vaš arakhipe ano dromutnikanipe, soske šoferja tradena ini dži trin dive prekal Slovenia, Kroacia thaj Srbia, kana logarinelape ini adžukharipe pedo samatrendjenge nakhavipe kote formirinenape konvoja“, phenela telopresidentka Thagarutnaki.

 

Mihajlovićka phenela kaj kotar 13. marti dži avdive ko 7 sati ani Srbia khuvde sa 45.565 kamiojna, odolestar 23.601 kamiojna vaš Srbiake, a 21.964 kamiojna ano tranziti.

 

Napja savi lela Srbia siton harmonizuime ini e pratsavjenca Evropaka Komisiako kotar lokharipe transporti pharipasko thaj čhivipe ulavde napja vaš odova, sar so siton harijalutno koridori, jase tranzitno koridori save maksimalno ka oven lokharde kotar ačhavipe automobiljengo, sar ini maksimalno labaripe elektronikano dokumentja vaš po hari kontakti šoferjengo e aver personenca.

 

Vaš kamiojnenge ano tranziti definišime siton tranzitno droma, a kupate e Ministriba vaš rudaripe thaj energetika zorakhardilo sa ina benzineske stanice pedo save bare kamiojna šaj te ačhavenpe.

 

Benzineske stanice ka oven dikhlarde tablenca ano savo hraminelape „TRANZIT“, a ka oven štampime ini flaerja e informacienca pedo efta čhibja save šoferja la len ano khuvipe ani Srbia,

 

ano save ka ovol ini karta Srbiaki e dromutnikane vortjenca pedo save si lokacie  pumpengo ano save šaj te pheren benzini.

 

Akala bezineske stanice vaš kamiojna ano tranziti ka oven rndome ano majfrekventno tranzitno droma, ka keren 24 satja ano dive thaj ka ovelolen  sa so manglape vaš kamijojna thaj šoferja, ano odova ini bare parikngja vaš kamiojna, habe thaj kafa vaš te lelpe, pherdipe TAG aparatja, bitejlesko interneti thaj prmibe lovengo.

 

Ano pučipe siton akala benzineske stanice:

 

  • MOL Serbia  ano direktno pašipe GP Horgoš, ano karingope iklovipe kotar Srbia  ani Hungaria,

 

  • MOL Serbia  ano direktno pašipe  GP Horgoš, ano karingope ko Beogradi,

 

  • MOL Serbia ano pašipe GP Batrovci, ano karingope ko Beogradi, 

 

  • OMV Serbia ano pašipe GP Batrovci  (29 km po angle samatrendako nakhipe ano karingope ki Kroacia), 

 

  • SSG Nais, Niš, GAZPROM,

 

  • SSG Fontana, Niš, GAZPROM,

 

  • ЕКО Sopot, Mali Požarevac,

 

  • ЕКО Vrčin,

 

  • SSG Prijepolje, NIS.