RSS

You are here

Mihajlovićka: Katastri sito thaj ka ovol ano servisi dizutnenge

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj ano katastri manginesko kerdilo but ano nakhlo periodi, ama ini pana si but baro gendo vastušejengo save siton purane kotar pondž dži deš berš save manglape te agorisinenpe.

 

Voj pedo pučipe žurnalistjengo kana dikhlardja bukja pedo lačardipe apartmajnengo vaš dženutne  servisi arakhipasko ano Zemuni phendja kaj ano avdisutno dive si paše 750.000 aktivno vastušeja.

 

“Baro gendo vastušejengo purano ini dži deš berš. Ando odola 750.000 aktivno vastušeja arakhenape ini 25.000 purane thaj roki vaš olengo agorisipe dži po agor beršesko. Raštra lela ini krediti kotar Lumiaki banka ano molipe kotar 40 milijojna evrja thaj jekh kotor kreditesko sito vaš čhandipe sar odola vastušeja te agorisina. Sa so katastareske sine manglape raštra oleske resla thaj adjukharava kaj Republikako geodetesko instituti odova realizuinela. Katastri musaj te ovol funkcionalno thaj ano servisi dizutnenge”, phendja voj.

 

Mihajlovićka phendja kaj kerdile reforme ano katastri, leparnipa ini pedo čhivipe e-katastri.