RSS

You are here

Mihajlovićka: Kera bajo kotar sa amare dizutne, bičhala aviojna te inarel olen ani Srbia

„Thagarutni Srbiaki kupate e presidentoa kerela sa te ažutinolpe amare dizutnenge save arakhlile ano aver aerodromja ini ano aver raštre. Nane čučavno thaj lokhe, kerelape pedo odova 24 satja, ama polokhe labdardipa inara olen ani phuv. Adžahar amare manušenge save kotar aver aver urjavipe ale dži Havana, te phena, kerdjam te aven dži ani Moskva, kote bičaldjam avioni Er Srbia vaš olenge. Odova nane numa jekh urjavipe, si pana, kera bajo kotar amare dizutne ani teritoria sa phuvjenge“, phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Mihajlovićka lepardja kaj aerodromja ani Srbia  phande vaš  maškharthemutno dromutnipe, ama funkcionišinela vaš kargo thaj humanitarno urjavipe.

 

Pučljimi te dol komentari kotar situacia ano sektori transportesko, i Mihajlovićka phendja kaj kotar 13.marti ani Srbia khuvdje prekal 20 milje šleperja thaj kamiojna, savesta jekh kvašipe  vaš amaro manglipe, a dujto ano tranziti.

 

„Transporti sito vitalno kotor sakole amalipasko, vov kerelape bi problemesko, sa so amenge musajutno avela ani Srbia sakova dive, soske anibe roba amare dizutnenge majsemno. Pajnesko pharipasko dromutnipe, adžahar, kerelape ini odova sito semno, na numa vaš tranziteske, uč vaš mangipe amara phuvjake“, phendja voj.

 

Telopresidentka Thagarutnaki pana jekh drom  kerdja apeli pedo sa dizutne te pačavinen propozalja Ministribe sastipaske  thaj profesiake thaj te ačhon ano pere khera.

 

„Majsemno sito te šuna thaj te pačavina sa propozalja Ministribe sastipasko thaj doktorjengo, sar ini pratsavja Thagarutnake, soske odova sito vaš amaro šukharipe, vaš šukharipe amare familiengo thaj sa dizutnengo-te ačhova ano khera thaj te garava amare dživdipe“, dendja klidutnipe voj.