RSS

You are here

Mihajlovićka: Kera rekonstrukcia drom Kula-Vrbas molipa pondž milijojna evrja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive e direktorea „Putevi Srbije“ Zoran Drobnjakea thaj presidentjenca komunake Kula thaj Vrbas, Damjan Miljanićea thaj Milan Glušcea, bukja pi rehabilitacia raštrako drom Kula-Vrbas.

 

Mihajlovićka kotar odova phendja kaj buti sitoj kotar investicia molipa paše pondž milijojna evrja thaj adžukharela kaj  ka oven agorisime ano novembri akale beršeste.

 

„Ano pučipe sito drom savo phanela duj regiojna thaj savea ka reselpe na numa pošukhar kvaliteti  dizutnengo dživdipasko, uč ka resol anipe neve investiciengo. Fundo ekonomikane barjaripasko siton infrastruktura thaj šukhar droma“, phendja voj.

 

Mihajlovićka mothavdja kaj ka ovol ini lačardipe sigutni dromutnikani kotar Sombor dži samatrenda e Ruminia, vaš savi gatisarinelpe projekteski dokumentacia.

 

„But semni dromutnikani na numa vaš akava agor, uč ini sasutni Srbia. Nota sitoj kaj akava projekti ka ovol paše 800 milijojna evrja, paše sar Koridori 10. Sebepi stabilipe budžetesko Thagarutnako ulavdjam milijarde dinarja vaš adikharipe dromengo thaj odova ka lungara ini so sine problemja save kerdja korona virus“, phendja voj.

 

Telopresidentka Thagarutnaki phendja kaj ano avutno periodi ka dikhlarol sa lačardimaske thana ani Srbia, vaš te naisarol sarenenge save ano vakhti epidemiako kerde buti thaj soske lačardimaski sezona sitoj akana.

 

Zoran Drobnjak phendja kaj kerelape rekonstrukcia etapako 10 km, sar ini kaj agorisinelape rekonstrukcia dromeski Vrbas-Feketić, lungipa 9,5 km thaj molipa 3,2 milijojna evrja.

 

„Ani Srbia kerelape rehabilitacia 450 km droma akale beršeste. Love reslile kotar krediti Lumiaka bankako thaj Evropaka investiciono bankako. Uzo sigutne dromutnikane pedo saveski dokumentacia kera buti, gatisarinelape ini projekti rehabilitacia dromeski Sombor-Kula, savesko molipe paše 10 milijojna evrja“, phendja vov.

 

Presidento komunako Vrbas Milan Glušac phendja kobor sito moldikano rehabilitacia akale dromeski.

 

„Ano pučipe sito but frekventno etapa, ani samatrenda duj regionengi. Agorisipa rekonstrukcia ka resolpe pošukhar phandipe thaj barjaripe arakhipasko ano dromutnipe. Naisaripa maškharipasko e presidentea Srbiako thaj Thagarutna, realizuina semne projektja ani komuna“, phendja o Glušac.

 

Presidento komunako Kula Damjan Miljanić phendja kaj ka kerenpe thaj kaj vakhardile projektja kotar dživdipasko semnipe vaš akaja komuna.

 

„Akaja rekonstrukcia talohalovela bufljaripe dromesko, lačardipe biciklistikano drumoro, nevo dudljaripe. Uzo odova, ka kera ini duj fabrike šužardipe pajnesko ano Sivac thaj buderi po tikne rehabilitacie dromenge“, phendja o Miljanić.