RSS

You are here

Mihajlovićka: Khatranakalipe pana na nakhla, pačavava ano dizutne thaj godaripasko arakhadipe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive ani emisia “Tema jutra” ani TV Prva kaj kotar luja,

4 majea, putarelape maškhardizako autobusesko thaj sastrnalutno manušengo dromutnipe, sar ini kaj kotar 8.maji lelape dizjako dromutnipe ano Beogradi thaj Niši.

 

Mihajlovićka phendja kaj napja ani Srbia ano faze relaksirinenape, thaj kaj ano dromutnipe  ka ovol obligacia te pačavinenpe sa napja arakhipaske. 

 

„Napja arakhipaske vaš garavipe amaro thaj sastipe aver manušeno sito majmoldikano thaj našti te khuvolpe ano autobusi jase pampuri bi maskako jase bi vastalutnenca. Autobusesko dromutnipe

startuinela ano pherdo kapaciteti, dži vaš sastrnalutno dromutnipe, adikharelape kaj ano akava momenti basadune 30 šelestar pamurja”, phendja voj.

 

Telopresidentka Thagarutnaki kerdja apeli pana jekh drom pedo dizutne te sikhaven personalno godaripe thaj te arakhenpe ano rami e epidemia save pana na agorisalili.

 

„Moldikane si te džana kaj pana na phaglam korona virus, kaj khatranakalipe pana sitoj, sa dži na arakha vakcina. Musaj te sikhlova te dživdina e virusea, te arakhahape godaripa thaj adžahar te garava ini amen ini averen. Pačavava ano amare dizutne, but nakhalam ano akala duj maseka thaj sa sito dži amende – te sine kaj pačavina napja thaj tiknara gendo nasvalengo, na ka oven neve karantine”, phendja voj.