RSS

You are here

Mihajlovićka: Kherutne firme šukhar te gatisarinenpe, ka ovol but buti ano programi “Srbia 2025”

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović, phendja kaj ano rami nevo investiciako plani “Srbia 2025” kotar sa anglodikhlarde 14 milijarde evrja dži ina milijarde ka investirinenpe ano transporteski infrastruktura.

 

“Vaš odova akharava sa amare lačardimaske firme thaj sa anglallilutne šukhar te gatisarinenpe vaš avutne disave berša, soske ka ovol akaboga buti kaj sigurno ka mangolpe  pana bučarne thaj pana firme. Thaj vaš odova akava investiciako programi “Srbia 2025” majšukhar vakharela sar akaja Thagarutni Srbiaki thaj presidento Srbiako Aleksandar Vučić dikhlarena thaj sar halovena so sito majsemno vaš avutnipe amare dizutnenge. Kote sijamen šukhar infrastruktura, šukhar droma, neve pruge, odote kote lokhe avelape dži ma savo aver diz ani Srbia jase regioni, odote terne manuša siolen polačhe šartja vaš dživdipe thaj pohari sebepja te gndinen kotar nakhipe kotar Srbia”, phendja i Mihajlovićka ano intervju vaš “Politika”.

 

Telopresidentka Thagarutnaki mothavdja kaj majbaro kotor lovengo ka ovol investirimo ano droma, paše pondž milijarde evrja.

 

“Ano odova sito ini lungaripe lačardipasko auto-dromjengo Preljina-Požega, Sremeski Rača-Kuzmin sar kotor auto-dromesko ki Sarajeva, Pojate-Preljina (Moravako koridori), auto-drom thaj sigutne dromutnikane Ruma-Šabac-Loznica. Odote sito ini starti lačardipasko auto-dromesko Niš-Merdare-Priština, Beograd-Zrenjanin, planirimo sito ini phandipe centralno e javinutno Srbia prekal Šumadijako koridori, phandipe Valjevo e auto-dromeja “Miloš Veliki”, sar ini lačardipe pobut sigutne dromutnikane, ano odova ini Sombor-Kikinda-Vrbas thaj Požarevac-Veliko Gradište-Golubac. Atoska, anglodikhlardilo ini nevisaripe 5.000 km lokalno thaj regionalno droma ani bufljardi Srbia”, phendja i Mihajlovićka. 

 

Voj pana phendja kaj investiripe ano sastrnalutnipe anglodikhlardilo pobuder kotar 3,5 milijarde evrja, a ano pajnesko dromutnikanipe paše 274 milijojna evrja, ano so sito ini lačardipe nevo porti ano Beogradi thaj bufljaripe kapaciteti portesko ano Novi Sad, Sremeski Mitrovica, Bogojevo thaj Prahovo.

 

“Prioriteti vaš sastrnalutni sito agorisipe moderniripe Koridori 10 kotar Beogradi dži Niš thaj odova vaš sigipe dži 200 km ano sati, sar ini podur dži Dimitrovgrad thaj dži Preševa. Adžahar pruga Srbia ovela sine šerutni transporteski ruta vaš sastrnalutno dromutnikanipe maškhar centralno Evropa thaj greciake portja Pirej thaj Solun. Odote sitoj ini nevisaripe Bareski pruga kotar Valjevo dži samatrenda e Crna Gora, lungipa paše 210 km, savi ka kera kupoate e “Ruska železnica”. Lungara lačardipe sigutni pruga kotar Beogradi dži Budimpešta, sar kotor kinako globalno projekti “Kustik thaj drom”, kote manglape te la bukja ini ani etapa kotar Novi Sad dži Subotica. Adžukharela amen ini lačardipe nevo dispečersko centri ani satrnalutni, kote kotar jekh than ano majmoderno čhandipe ka vastalutnolpe sa sastrnalutna ani Srbia. Ka la ini lačardipe intermodalno terminali ani Batajnica sava sine phanenape aver aver forme transporteske. Uzo odova, prioriteti sito ini realizacia projekti lačardipe metro, savea sine ano lungo vakhti anglunisarelpe dromutnikanipe ano Beogradi”, phendja i Mihajlovićka.

 

Ministarka phendja ini kaj ka ovol investiripe ano aero dromutnikanipe, kote sito fokusi ano barjaripe Aerodromi “Morava” uzo Kraljevo, ano savo ka lačara nevi pista. Kotar akava aerodromi adžukharelape te ovol centri vaš barjaripe kargo dromutnikanipe, saveske reslipe ka dol ini lačardipe Moravako koridori.