RSS

You are here

Mihajlovićka: Ko avutno berš ka startuinol lačardipe sigutni pruga Beograd-Niš, vaš sigutne kotar 200 km/h

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja, dostuipa ano detharinesko programi TV Hepi, kaj uzo moderniripe sigutni pruga kotar Beogradi dži Budimpešta ka lačarolpe ini sigutni pruga dži Niš, vaš sigutnipe kotar 200 kilometarja ano sati.

 

“Ano pučhipe sitoj investicia savi šaj te ovol kotar duj milijarde evrja, ka kera buti e kinake partnerjenca save siolen baro džandipe ano adžahar projektja. Akate nane lafi numa kotar phandipe dizjengo, uč kotar regionalno phandipe, soske nane po moldikano magistralno koridori kotar Koridori 10”, phendja voj.

 

Mihajlovićka lepardja kaj ani sastrnalutni nane investirisalo dešutne berša thaj sar phenela Lumiaki banka Srbia mukhlardja disave investiciake  ciklusja ani sastrnalutni.

 

“Kana sa Evropa barjakardja sastrnalutno dromutnipe, amen atoska ačhilam, but došali pratsav. Raštra avdive investirinela ani sastrnalutni, odova sito amenge strategikano moldipe. Agorisipa akale projektjengo ka ova but pobut konkurentno kotar Koridori štar, savo nakhela prekal Rumunia thaj Bugaria. Musaj but odolesta paralelno te kera buti, te čaljara fundone manglipe, ama ini te dža ano adamo e moderno tehnologienca”, phendja voj.

 

Telopresidentka Thagarutnaki lepardja ini kaj ano avutno berš ka ovol agorisimi etapa sigutna prugako kotar Beogradi dži Novi Sad, kaj adžahar ka lelpe ini lačardipe sigutna prugako kotar Beogradi dži Niš, sar ini kaj ka lačarolpe ini pruga dži Preševa, ano maškharipe e evropake partnerjenca.

 

“Uzo sastrnalutni, pherdo zoralipa kerelape ini ano dromesko dromutnipe. Bukja kerenape ani etapa Sremeski Rača-Kuzmin, Ruma-Šabac-Loznica, hraminelape tenderi vaš Niš-Pločnik. Nijekh lačardimasko than nane phandilo, sakova dive sijam ani konekcia e kerdutnenca te ažutina odote kote mangelape, soske sarenenge amenge moldikano sito te kerolpe buti, odova sito kotar baro semnipe vaš amari ekonomia”, dendja klidutnipe voj.