RSS

You are here

Mihajlovićka: Korona virus zumavindja sastipaski ama ini ekonomikani kriza, personalno godaripe moldikano

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja dostuipa ano TV As ano Šabac, kaj kriza savi zumavdili korona virusea ka ovol but vakhti thaj kaj musaj te sikhlova te dživdina odolea.

 

“Uzo sastipaski, akaja sitoj ini phari ekonomikani kriza. Nikana ani lumia na kerdilo kaj odole sigipa perela bruto amalikano produkti thaj ekonomikano barjaripe. Odova našti a ta na iklol ini peda amende, ama prekal projekcie MMF-eske thaj Lumiaka bankake Srbia ka ovelola po teluno peripe kotar but phuvja ano regioni, soske sijam tikni raštra thaj šukhar elastikani  ani ekonomia. Raštra  sar dži akana ka kerol sa te uluvinol ekonomia, a saren save šaj akana te keren buti, mangelape te keren buti”, phendja voj.

 

Mihajlovićka lepardja kaj ani Srbia nijekh lačardimaskothan vaš sa akava vakhti nane phandilo thaj kaj si 59 milje aktivno.

 

“Ano avdisutno dive 5.700 bučarne angažuime ano amare lačardimaskethana. Lačara trujal 630 km droma, 300 km pruga, 2.500 khera/apartmajna vaš dženutne ano servisi arakhipasko. Odova sito but moldikano, soske ani akaja krizaki situacia čačikane lačardipe thaj agroekonomia duj butipe save ka ažutinen e ekonomia te egizistirinol”, phendja i Mihajlovićka.

 

Telopresidentka Thagarutnaki lepardja ini kaj personalno godaripe but moldikano ano uluvipe sastipasko.

 

“Sako so sito seriozno musaj te gndinol ano odova čhane. Ini me gndinava kotar miri familia thaj kotar phuri daj savi siola 77 berš, sar ini kotar manuša savenca kerava buti ano kabineti. Halovindjum kaj sa akava vakhti personalno godaripe but moldikano. Amen sar them sijamen odova soj  jekhipasko kana si kriza thaj problemja thaj adžahar ini mangelape te ačhol. Si daraipe, atoska, ama te sine kaj arakhahape thaj dikhlara pedo avera sigurno sim kaj sa ka nakha ano disave avutne maseka. Arakhipa amen, amen arakha ini averen”, phendja i Mihajlovićka.