RSS

You are here

Mihajlovićka: Kotar amaro resori 60 automobilja da te labarinel sastipasko sistemi

Pedo akharipe telopresidentkako Thagarutna Srbiako thaj ministarkako vaš lačardipe, dromutnipe thaj infrastruktura prof. dr Zorana Mihajlović firme kotar sektori akale ministribasko dende 60 automobilja thaj kombja ko sastimasko sistemi Srbiako.

 

„Sa kompanie ano rami amare ministribasko sikhavde godaripe thaj sig amboldinde pedo akharipe te ažutinolpe sastipaske sistemeske vaš so po šukhar te arakhahape kotar bufljaripe korona virus“, phenela Mihajlovićka savi naisardja sa firmenge.

 

Kupate e automobiljenca  angažuimo sito ini po baro gendo šoferjengo kotar akala raštrake firme save ka keren tradipe sasoske so manglape sastipaske sistemeske ani mareba opipe bufljaripe virusi Covid 19.

 

Tradutne pedo akharipe telopresidentkako Mihajlović dende Er Srbia, Smatsa, Srbia Kargo, Republikako geodetsko zavodi, Aerodromja Srbiake, Droma Srbiake, Lačardimaski direkcia Srbiaki, Srbia voz, Dromutnikano instituti CIP, Direktorati civilno aerourjavipe, Infrastruktura sastrnalutnengo Srbiako, Direkcia vaš sastrnalutnipe, Direkcia vaš pajneske droma, Direkcia vaš zorakharipe kabilipe berongo vaš tradipe, Agencia vaš portja thaj Koridorja Srbiake.