RSS

You are here

Mihajlovićka: Kotar decembri urjavipe kotar Aerodromi “Morava” vaš Beč, kotar marti ini vaš Solun

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr  Zorana Mihajlović thaj direktori “Er Srbija” Dankan Nejsmit hramisarde avdive kontrakti kotar keripe avio-tradipe ano duj linie ano publikako interesi e Aerodromea “Morava” uzo Kraljevo.

 

“Pedo fundo transparentno procedura thaj legardimo publikako akharipe, “Er Srbija” lela šaipe kaj kotar decembri te urjavol vaš Beč, a kotar anglonilaj ini vaš Soluni, kotar trito maškharthemutno aerodrome ani Srbia, Aerodromi “Morava” uzo Kraljevo. “Sar resoreski ministarka barikani sin pedo odova sar kerena buti amare trin maškharthemutne aerodromja, ini beogradesko, ini nišesko, savo ka agorisinol berš e pobut kotar 400.000 dromutne, thaj manga adžahar te barjara ini Aerodromi “Morava”, ano savo ano berš so avela ka lačarelpe ini nevi pista”, phendja i Mihajlovićka palo hramosaripe Kontrakti vaš devipe servisi te kerolpe avio-tradipe ano linie save todisale sar linie ano publikako interesi ani Thagarutni Srbiaki.

 

Direktori “Er Srbija” Dankan Nejsmit phendja kaj siton but čaljarde so “Er Srbija” lela šaipe kaj kotar 1. Decembri nakhela e urjavipa kotar Aerodormi “Morava” thaj so odoja kompania ka urjavol sa kotar trin aerodromja ani Srbia.

 

Ažutno ministarkako vaš aero dromutnipe, Zoran Ilić, phendja kaj linie Kraljevo-Beč-Kraljevo thaj Kraljevo-Solun-Kraljevo todinisale sar linie kotar publikako interesi pedo fundo analiza thaj pedo bahami regionesko Šumadia thaj Zapadna Srbia, pratsava Thagarutna Srbiako akala rodipe pačavisale.

 

Planirisalo kaj urajvipe pedi linia Kraljevo-Beč-Kraljevo te lelpe ano angluno kurko decembaresko. A pedo linia Kraljevo-Solun-Kraljevo kotar 10. marti 2020. berš. Linia vaš Beč ka funkcionišinol kotar sa berš, linia vaš Solun ano periodi kotar marti dži oktobri, a pedo solduj linie ka urjavolpe trin drom ano kurko.