RSS

You are here

Mihajlovićka kotar Ivanjica e dizutnenge: Ka lačara thaj ka stenisara sa so rumindilo ano bare pajna

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vizituindja avdive Ivanjica thaj e presidentoa komunako Zoran Lazovićea, e počekatunea Moravicako regionesko Slobodan Jolovićea thaj direktorea firmako”Putevi Srbije” Zoran Drobnjakea dikhlardja puzakharipe Buk thaj raštrako drom Arilje-Ivanjica ando than Klisura, savo škodrisalo ano juneske bare pajna.

 

Mihajlovićka, vakharipa e medienge, phendja kaj pilte kotar Ivanjica sine dramatikane thaj kaj akaja komuna cidindja majbare škodripe thaj majbut problemja sinola palo juneske poplave, ama ini kaj arakhlilo lovo sar te manuša siolen fundone šartja vaš dživdipe, a odova sito drom, komunalno infrastruktura thaj pijibasko pani.

 

“Moro phenipe sa dizutnenge sito kaj sa so ovela amenge thaj sa so cidandjam sar škodra ja ano dromutni jase komunalno infrastruktura raštra ka agorisinol, kupate e lokalno kupatna thaj kerdutnenca. Sar ministarka dromutnipaski šaj te phenav kaj ano avutne disave maseka ka agorisina sa. Majangle ano avutno masek te kvaš ka kera projektja a palem ini te realizuina. Ka finansirina sa kotar budžeti raštrako soske džande sijam kaj lokalno korkorodirekcia nanolen basandune lovo ni vaš adikharipe dromengo, a na kana ovena adjahar situacije. Ka dikhlara sa, ano odova ini duj purkja ani Ivanjica thaj kupate e firma “Putevi Srbije” ka lačara sa”, phendja voj.

 

Mihajlovićka phendja ini kaj Moravicako regioni ano nakhle disave berša sinole majbare investicie ano dromeski infrastruktura.

 

“Investirindjam 6,5 milijarde dinarja numa ano adikharipe dromengo. Lelam ini bukja ani jekh kotar majphare etape po drom Preljina-Požega, ka kerolpe ini dži Crna Gora”, phendja voj.

 

Počekatuno regionesko Slobodan Jolović naisardja e presidentoske Srbiako thaj Thagarutnake pedo sa so kerena vaš Moravicako regioni.

 

“Ani teritoria Moravicako regioni dži akana investirisalo thaj investirinelape prekal jekh milijarda evrja. Maj angle, lafi sito kotar sistemi auto-dromengo savo legarela kotar Čačak dži Beograd, Kruševac, Niš, Grecia thaj Bulgaria, ama ini dži Boljare jase Crna Gora. Rndome siton investicie ini ano lačardipe ini ano adikharipe lokalno dromengo. Škodripe save sinamen kotar elementarno bibahtalipe kotar 2014. dži akana našti sine te agorisina bi ažutipe raštrako”, phendja o Jolović.

 

Zoran Drobnjak phendja kaj kerdilo lista e komuna thaj kaj 26 lokacie mangelape te kerenpe.

 

“Ano pučhipe sito baro molipe, trujal 980 milijojna dinarja, thaj la akana te kera buti. Ka dikha so pobut te kera dži po agor beršesko, a resto kotar avutno berš”, phendja vov. 

 

Presidento Ivanjicako komunako Zoran Lazović phendja kaj raštra legarela logari kotar sa lokalno korkorodirekcie.

“Komuna cidindja bari škodra.  Naisara telopresidentkake pedi vizita thaj pakjavava kaj ini akava drom ka la semno ažutipe sar so sinamen ini dži akana”, phendja o Lazović.