RSS

You are here

Mihajlovićka kotar pharavdipe tunelesko Čortanovci: Ini bučarne siton heroja epidemiake

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr  Zorana Mihajlović, phendja, sebepi pharavdipe angluno cevi tunelesko „Čortanovci“ ano lačardimasko than sigutni pruga Beograd-Bidimpešta, kaj infrastruktura ini uzi epidemia korona virus ačhola semno miškutno ekonomiako thaj barjaripe Srbiako.

 

„Pharavdipe tunelesko sito semno momenti ano sakova projekti ini ano normalno čhinavdipe. Numa, te sine kaj džana kaj Čortanovci sito jekh kotar majbare infrastrukturake lačardimaske thana ani Evropa, ano savo ini uzo epidemia pačavinenape sa rokja, odova sito rezultati pedo savo Srbia manglape te ovol barikani.

 

Nais sa bučarnenge, save sar ini sastipaske bučarne, šoferja, bikinutne, adžahar heroja Srbiake ano dive epidemiake.

 

Naisaripa olenge, Srbia na numa so na ačhili ini ano majphare maškharutnipe, uč ini lungarela te dikhol ano avutnipe“, phendja i Mihajlovićka.

 

Telopresidentka Thagarutnaki phenela kaj ani sa etapa kotar Stara Pazova dži Novi Sad, kotar kana po zoralipe napja raštrake vaš cidipe epidemiako Covid-19 sakova dive sine aktivno kotar 500 dži paše 1.000 bučarne.

 

„Nais „Rusiake sastrnalutnenge“ so siton but dende ano projekti, sar ini pedo odova so ulavdo legarena logari kotar uluvipe bučarnengo ano šartja epidemiake“, phendja i Mihajlovićka.

 

Mihajlovićka naisardja sa kherutne thaj avrijalutne kerdutnenge save pačavinde propozalja Ministribaske te adikharolpe niveli aktivipasko ano lačardimaske thana, uzo labaripe sa napja vaš eliminišipe infekcia anglodikhlarde pratsavjenca Thagarutna Srbiake.

 

„Sa akala dive amare majbare lačardimaske thana ano dromeski thaj sastrnalutni infrastruktura ani Srbia na ačhili, ini pedo olende, ano phandipe e vakhteske šartjenca, sine maškhar 1.500 thaj 2.300 bučarne, a logaripa ini lačardipe kherengo vaš zoralipe arakhibaske, rehabilitacia dromengi thaj komunalno infrastruktura,ini pobut kotar 3.500 bučarne“phenela i Mihajlovićka.

 

„Infrastruktura ka ovol semni ini ano periodi palo pandemia, kana ka marahape vaš po učo ekonomikano barjaripe thaj vaš odova amenge semno kaj prekal napja Thagarutnake vaš ažutipe ekonomiake garava amare kompanie, sar so ini kompanie manglape te legaren logari kotar pere bučarne, soske amen adžukharela baro kupatno buti ini kana nakhela epidemia“, phenela i Mihajlovićka.

 

Bukja pedo lačardipe tuneli thaj viadukti “Čortanovci“ siton kotor projektesko vaš lačardipe etapa sigutni pruga Beograd-Budimpešta kotar Stara Pazova dži Novi Sad, savesko lungipe 40,4 kilometarja.

 

Sasutno lungipe solduj tuneleske cevja sito 2.242,5 metrja, a 3. aprilea 2020. berš pharavdilo sasto cevi, lungipa 1.086,5 metarja.

 

Momentalno realizacia bukjengo ano akava objekti sito 86 šelestar.

 

Ano rami akale projektesko, akana sito lačardipe dujkolosekesko viadukti „Čortanovci“, lungipa paše trin kilometarja.

 

Procenti realizacia bukjengi ano viadukti sito 91 šelestar.

 

Molipe bukjengo ano lačardipe tunelesko thaj viaduktesko „Čortanovci“ savo finansirinelpe kotar krediti Rusiako Federacia vaš modernizacia srbikani sastrnalutni, sito 337,6 milijojna dolarja.