RSS

You are here

Mihajlovićka: Lačardipe Moravako koridori lelape 15. decembrea

“Bukja pedo lačardipe Moravako koridori, savo ka phanol Koridori 10 thaj auto-drom “Miloš Veliki”, lelape 15. decembrea. Akaja thagarutni sikhavdja kaj šaj te realizuinol bare projektja bi ačhavipe, uzo šukhar gatisaripe, thaj but lačho misal vaš odova sito etapa auto-drom kotar Surčin dži Obrenovac, savo agorisindjam ini po angle rokesta thaj savi mukha ano dromutnipe 18. decembrea”, phendja telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj,dostuipa ano detharin programi TVPrva, phendja kaj avdive ka malavdinolpe e dizakepočekatunenca thaj presidentjanca komunake prekal save ka nakhol Moravako koridori.

 

“Našti te keren nisavo baro projekati te sine kaj na lena kotor ano odova lokalno korkorodirekcie, so na sine situacia disave poangle thagarutnenca. Vaš Moravako koridori kerdjam sa gatisaripaske bukja, kotar urbanistikane mukhlipaske lila dži ekspropriacia thaj nisave trupipe vakhtesko na ka ovol. Avdive ka vakhara kotar odova sa so adžukharelape kotar komune thaj dizja thaj save procedure manglape te sigarenpe”, phendja voj.

 

Telopresidentka Thagarutnaki phendja kaj Moravako koridori ka lačarol jekh kotar majšukhar lumiake kompanie, “Behtel” thaj kaj Srbia, siklardili kotar poangle empirie, ano neve kontraktja čhivdi klauzule save uluvinena raštra thaj investitorjen.

 

“Ka ovol te pokinenpe penalja te sine kaj nakhela roki, sar so amari raštra sine ini pokinela soske ano poangle kontraktja adžahar hramisale kaj numa amare obligacie gendile, ama na ini obligacie save sile kerdutno bukjengo.Veke nikana našti amenge te ovol kaj projekti kera 10, 20 thaj ini 40 berš.

 

Mihajlovićka pana pendja kaj mukhlipa auto-drom Surčin-Obrenovac veke na ka oven gušve save si ko Barič, thaj kaj pondže minutjenge šaj ze khuva  ano auto-drom “Miloš Veliki”.