RSS

You are here

Mihajlovićka: Lačardipe “Moravako koridori” sitoj investicia ano avutnipe Srbiako thaj olake dizutnengo

Telopresidentja Thagarutna Republika Srbiako thaj ministarka vaš lačardipe, dromutnipe thaj infrastruktura, prof. dr Zorana Mihajlović, hramisarda avdive, uzo leipe kotor presidentosko Srbiako  Aleksandar Vučić, Komercialno kontrakti vaš lačardipe auto-drom E-761, etapa Pojate-Preljina (“Moravako koridori”).

 

Uzo telopresidentka Mihajlović, komercialno kontrakti hramisarde, ano anav konzorciumesko “Behtel-Enka”, savi Thagarutni Srbiaki, pedo fundo legardutno publikako akhardipe alosardja vaš strategiako partneri vaš realizacia akale projektesko, o Majkl Vilkinson, telopresidento e “Berhtel” thaj direktori vaš sektori infrastruktura vaš Evropa, thaj president kompaniako”Enka”, o Mehmet Tara.

 

“Lačardipe auto-dromesko “Moravako koridori” sito ekonomikano interesi Srbiako na numa vaš odova so ka phanol pubuder kotar kvašo milijoni dizutne save dživdinena ano akava thanutnipe, uč vaš odova so ka ovol konekcia vaš pobuder kotar 20.000 tikne thaj maškharutne firme e majsemne dromutnikanenca: Koridorea 10 save amen phanela e Bugaria thaj Šudrorigaka Makedonia thaj auto-dromea “Miliš Veliki” savo legarela dži Crna Gora thaj Bosna thaj Hercegovina. Lačardipe akale auto-dromesko sitoj investicia ano avutnipe Srbiako thaj olake dizutnengo”, phendja i Mihajlovićka.

 

 Voj pana phendja kaj strategiako interesi Srbiako kaj jekha kotar majbari lačardimaski kompania ani lumia, amerikake “Behtelea”, lačara dromutnikani savi ka phanol sa bare thana ani centralno Srbia, ano odova ini Čačak, Kraljevo, Vrnjačka Banja, Trstenik thaj Kruševac.”Akava auto-drom ka pherol majuče standardja sar ano lačardipasko, adžahar ini ano telekomunikacie thaj arakhipe dromutnikano”, phendja voj.

 

“Adžukharava kotar kompania “Behtel” thaj olake partneresta, turkiaki kompania “Enka”, kaj “Moravako koridori” lačarena ano roki thaj pedo majneve standardja, vaš te ovelamen kvalitetno thaj arakhutno auto-drom.  Adžahar sito semno kaj firme kotar Srbia, savenca kupate ka keren buti, te pendžarenpe e majuče tehnologia savi labarinelape ano lačardipe auto-dromja”, phendja i Mihajlovićka.

 

Ano hramisardipe lele kotor ini ambasadori KAR ani Republika Srbia, Entoni Godfri, ambasadori Repiblika Turkiako Tanžu Bilgič thaj ambasadorka Bara Britaniako Šan Meklaud.

 

Komercialno kontraktea vakhardilo molipe lačardipasko 112,3 km auto-drom kotar 745 milijojna evrja. Anglodikhlardile ini pana disave bukja thaj direktno thaj indirektno matrialno hardžipe kotar 20 šelestar.

 

Kontraktea anglodikhlardilo kaj vaš duj berš Kruševci auto-dromea ovela phando e Koridorea 10, vaš pohari kotar trin berš kaj Kraljevo thaj Čačak auto-dromea ovena phande e auto-dromea“Miloš Veliki”, a kaj kompletno projekti te ovol agorisimo vaš štar berš.

 

Auto-drom Pojate-Preljina ka lačarolpe ano lungipe kotar 112,3 km thaj ka ovol kotar trin etape: Pojate-Kruševac, lungipe 27,83 km, Kruševac-Adrani, lungipe 53,88 km thaj Adrani-Preljina, luingipe 30,66 km.

 

Dži ka kerolpe akava auto-drom, savo kerelape vaš maksimalno mukhlutno sigipe kotar 130 km ano sati, ka ovol lačardo 11 kombo thaj 130 aver objetja, odolestar 71 purt, 23 pedotradipaske droma, pondž telotradipaske droma thaj 31 mukhlutne.