RSS

You are here

Mihajlovićka: Lačardjam 320 km auto-dromja vaš štare beršenge

"Srbia ano nakhle štar berš lačardja 320 kilometarja neve auto-dromja thaj sa kerdilo pedo majuče evropake thaj  lumijake standardja thaj nane nijekh metro dromesko savesta ka ladža. Agorisipa kompletno Koridori  10 inardjam Srbia ano tranzitno karta Evropaki, soske amen sijam majharni ruta maškhar javinutno thaj rjačutno", phendja taharako telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj, dostuipa ano detharinesko programi TV Hepi, phendja kaj Srbia siola pobut kilometarja auto-drom kotar phuvja ano regioni, Bugaria thaj Rumunia, a sig ka astarol ini Kroacia, thaj naisaripa stabilno budžeti amari phuv sitoj gatisarimi vaš neve investicie

.

"Srbia, kana dikhola o regioni. siola majstabilno budžeti thaj angluni sitoj phuv kotar avipe direktno avrijalutne investicie. Akava sito but semno vaš amaro pudur barjaripe soske infrastrukturno projektja realizuinenape pedo po lungo rok, a naisaripa politikano thaj finansijsko stabilipe, Thagarutni Srbia šaj te dol garancie vaš sa neve investicie. Orjentišisalam vaš odova, soske amenge pošukhar džividipe dizutnengo thaj poučo standardi sito so legarela amen", phendja voj.

 

Telopresidentka Thagarutnaki phendja kaja nakhli thagarutni phande e transportno Srbia, thaj dromutnipe nakhela sine prekal Koridori 4, prekal Bugaria thaj Rumunia, a kaj Srbia avdive bitrujalutni ruta.

 

"Agorisipa Koridori 10, istorikano projekti, pedo savo adžukhardilo 40 berš, inardjam dromutnikanipe prekal amari phuv. Dži po agor beršesko adžukhara 60 milijojna autobomilja te nakhen prekal Srbia, so sito baro anglunipe kana dikholape 2014, kana sine 34 milijojna automobilja ano amare droma", phendja i Mihajlovićka.