RSS

You are here

MIHAJLOVIĆKA: MAŠKHARTHEMTUNO PHARIPASKO TRANSPORTI KOTAR VITALNO MOLDIPE, DEVIPEDUMO VAŠ POSIGUTNI SANACIA KOTAR TRADIPE MANUŠENGO 

Telopresidentka Thagarutna Srbiako thaj ministarka vaš lačardipe, dromutnipe thaj infrastuktura, prof. dr Zorana Mihajlović, phendja avdive kaj džiavdisutno škodripe vaš pandemia korona virus ano sektori transporti notirinelape pedo maškhar 120 dži 140 milijojna evrja, a si nota kaj dži po agor beršesko šaj te astarel ini pobuder kotar 700 milijojna evrja.

 

“Majbaro škodripe kerdilo ano transporti manušengo, poulavdipe ano aero dromutnipe, thaj odote na vakhara numa kotar “Er Srbija”, uč ini kotar aerodromja. Džiavdisutno našavipe “Er Srbija” sito paše 35 milijojna evrja, a sar raštra ka arakha čhandipe sar akala kompaniake te ažutina soske voj sitoj vitalno karika ano amaro aero dromutnipe. Sikhavdilo ini kotar akaja kriza kobor sito moldipe te ovelamen nacionalno avio-tradutno, soske kotar starti avrirndomo situacia “Er Srbija” nakhavdja paše 13.000 amare dizutnen”, phendja i Mihajlovićka dostuipa ani emisia “Osvrt” ani Televizia B92.

 

Telopresidentka Thagarutnaki phendja kaj Srbia kerdja sa vaš te resolpe posigutno phiribe tranzitno dromutnipe, savo sito kotar vitalno moldipe vaš anibe roba dizutnenge ani Srbia thaj ano regioni. “Kotar maškharipe martesko ani Srbia khuvdje paše 100.000 kamijojna, odolestar paše 60.000 vaš anibe roba ani Srbia. Amen sinam anglune so cidindjam policiako zamaripe kamiojnengo ano tranziti, akana konvoja cidindja ini Kroacia, a adikharava kaj sig ini Slovenia odova ka kerol”, phendja i Mihajlovićka.

 

Voj pana phendja kaj ano dromesko pharipasko dromutnipe kerdilo peripe kotar paše 20 šelestar, ano tradipe robako sastrnalutna paše 10 dži 15 šelestar, thaj kaj majbaro zumavipe saslaripe sa forme dromutnipaske.

 

“Po misalipe, numa ano pajnesko dromutnipe vaš tradipe manušengo, ano akava berš ani Srbia manglape  sine te aven paše 1.500 kruzerja, so musaj sine te ovol ačhavdo. Ka vakhara e Ministriba ekonomiako thaj Ministriba finansiako kotar čhandipe sar te ažutina jekh kotor transportesko sektori savo kerela kotar manušikano dromutnipe, sar so po sig te uštel po pre”, phendja i Mihajlovićka.