RSS

You are here

Mihajlovićka: Musaj te arakha ini ekonomia ini sastipe dizutnengo

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive dostuipa ano detharinesko programi TV Prva kaj epidemia savi zumavdili korona virusea, uzo sastipasko sistemi, ačhavela seriozno konsekvence ini ani ekonomia-sar ani lumia, adžahar ini ani Srbia.

 

“Musaj te akcentirinav kaj ta na sinamen stabilno thaj šukhar budžeti savea khuvdjam ano 2020. berš, avdive ova sine ano kolapsi. Konsekvence , sar na si, ama moldikano sito te arakha sastipe  vaš so po baro gendo manušengo vaš šaj te keren buti. Ka kera prioritetja thaj ka ana manglutne napja vaš adikhardo ekonomikano egzistiripe”, phendja voj.

 

Mihajlovićka pana phendja kaj raštrake nane lokhe, ama ka ovol ini rebalansi budžetesko ano rami e prioritetjenca.

 

“Uzo sastipe, urbanistikanipe thaj agroekonomia siton moldikane sektorja soske šaj te ikalen BDP. Akana moldikano kaj sako amender legarela logari kotar sastipasko arakhutnipe, te adikharahape pedo napja vaš te šaj te kera buti. Kana ka ovol vakcina sa ka ovol aver čhane, dži odote musaj te ova džandune kotar epidemiaki situacia”, phendja voj.

 

Mihajlovićka pana phendja kaj disave napja palem ka mukhlenpe kana avela dži stabilizacia situaciaki, a dži odote musaj te ova godarutne thaj te arakhahape.