RSS

You are here

Mihajlovićka: Nais sarenenge so pačavinena propozalja, ačhoveni solidarno thaj jekhutne

“Moro propozalo sarenege sito kaj ano vakhti krizako pačavina propozalja profesiake thaj kompetentno orgajnengo thaj naisarava sa dizutnenge te ašunen turvinutne thaj adikharenape pedo sa napja, soske odova sito čhandipe te garava amaro thaj dživdipe manušengo maškharal amende”, phendja ano detharinesko programi RV Prva Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj phendja kaj semno sito te marahape thaj te legara logari jekh averenge. 

 

“Numa te sinam khedutne, jekhutne thaj solidarno šaj kotar akaja phari situacia te iklova bi baro dukhako. Našti te ačhova po kvašo drom thaj odova sito moro propozalo ini mere amalenge, ama ini bučarnenge ano lačardimaske thana, šoferjenge so tradena kamiojna thaj sa dizutnenge ani Srbia”, phendja Telopresidentka Thagarutnaki.

 

Mihajlovićka  phendja kaj raštra kerela piri buti pedo majšukhar šajutno čhandipe thaj kaj semno sito te ašuna propozalja thaj te ačhova ano amare khera sar sa akava te agorisinolpe so po sig.

 

“Hor pakjavava kaj kotar akava amen pučljova. Thaj vaš odoleske ačhoveni khere, kereni bajo jekh  averenge thaj te garava dživdipe”, phendja i Mihajlovićka.