RSS

You are here

Mihajlovićka: Nakha ano lačardipe auto-dromesko thaj sigutni dromutnikani Ruma-Šabac-Loznica

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura,prof. dr Zorana Mihajlović, hramisarda avdive, uzo presidento Srbiako Aleksandar Vučić, komercialno kontrakti vaš lačardipe auto-dromesko thaj sigutni dromutnikani Ruma-Šabac-Loznica, e azerbejdžaneska kompania "Azvirt".

 

"Amari vizia sitoj Srbia phandi sakota auto-dromjenca thaj phandi e sa pere komšijenca, a projekti savo avdive hramisardjam kontrakti sito semno vaš reslipe odole resosko. Angluno kotor dromutnipasko, kotar Ruma dži Šabac, ka lačarolpe sar auto-drom, e šov trakjenca, dujto kotor, kotar Šabaci dži Loznica, sar sigutni dromutnikani, e štare trakjenca, a ka ovol lačardo ini nevi purt prekal Sava", phendja i Mihajlovićka sebepi hramisaripe kontraktesko.

 

Molipe komercialno kontraktesko sito 467,5 milijojna evrja, a sa lungipe auto-dromesko thaj sigutni dromutnikani Ruma-Šabac-Loznica sito 77 kilometraja.

 

Mihajlovićka akcentuindja kaj akaja dromutnikani ka pašarol paše 600.000 manuša ano Mačvako thaj Sremesko regioni thaj semni vaš phandipe Podrinje thaj rjačutni Srbia e Vojvodina, ama ini vaš phandipe akale kotoresko Srbiako e regioneja, a po ulavdipe e Bosna thaj Hercegovina.


Ano anav kerdutno bukjengo,"Azvirt",kontrakti hramisarda egzekutivno direktori akala kompaniako, Kamil Alijev.

 

Projekti lačardipe auto-dromesko thaj sigutni dromutnikani Ruma-Šabac-Loznica ulavdo sito ano trin etape. Angluni etapa sito auto-drom Ruma-Šabac, kotar auto-drom E-70 (kombo Ruma) dži purt prekal Sava ano Šabac, lungipa 21,14 km, vaš sigipe kotar 130 km/s. Dujto etapa sito purt prekal len Sava ano Šabac, lungipe 1.327,8 m, ano odova ini tradimaske rampe. Trito etapa sitoj sigutni dromutnikani kotar Šabac dži Loznica, lungipe 54,58 km, vaš sigipe kotar 100 km/s.