RSS

You are here

Mihajlovićka: Nane tolerancia sigipaske kana siton džividpe manušenge ano pučipe

"Arakhipe ano dromutnipe sito ano angluno than thaj kana siton ano pučipe dživdipe manušengo nisavi tolerancia ano sigutno tradipe nane lelutno", phendja avdive telopresidentka Thagarutni Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj,dostuipa ano detharin programi TV Hepi, lepardja kaj Thagarutni Srbiaki pharuvindja kanunja thaj mukhla  kaj maksimalno sigipe kotar 120 barjola dži 130 km pedo sati, leipa ano dikhipe fakti kaj Koridori 10 agorisalilo.

 

"Ini kaj halovava manušen save mangena te traden pobare sigipa, kana dikhena save auto-dromja sijamen, Ministribe vaš andrune bukja sito odova savo dikhljarela kobor, kote thaj sar šaj te tradolpe. Te sine kaj MUP phenela kaj šaj te tradolpe posig kotar 130 km ano sati, me sim vaš odova te pharuvinolpe kanuni, džanlape so sito kanuni, te pačavinolpe jase te pharuvinolpe, ama policia te tolerišinol sigipe, odova našti te ovol", phendja voj.

 

Mihajlovićka vaš akava bičalgja apeli sarenenge te pačavinen norme thaj phendja kaj Srbia notirinela pohari gendo čalavde thaj mudarde ze anglo štar berš, ini odova vaš 40 šelestar.