RSS

You are here

Mihajlovićka: Neve zumavipaske napja, pobut buti vaš kherutne lačardimaske firme

 

 

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović thaj presidento Ekonomikani komora Srbiaki Marko Čadež vakharde avdive e dženutnenca kherutne lačardimaske kompanienca kotar napja raštrake savenca manglape te resolpe kherutne firme polokhe te len buti thaj pana pobut te zoralon kherutne lačardimaski industria. 

 

“Vakhardilam avdive kaj ka formirina khupatni bukjaki grupa ano savi ka ovol Ministribe lačardipasko, Ekonomikani komora Srbiaki, Ministribe ekonomiako, Amalipaske banke Srbiake, lačardimaske thaj dromutnikane kompanie. Odoja bukjaki grupa ka kerol akciako plani e napjenca save šaj te legara vaš amare kompanienge polokhe te len buti”, phendja i Mihajlovićka palo bešipe ani Thagarutni Srbiaki, ano savo lele kotor dženutne paše 70 kherutne kompaniengo.

 

 Voj precizno phendja kaj akciono plani talohalovela kaj ka kerolpe, maškhar aver, pedo programi subvencie vaš vastušeja vaš lačardimaske thaj dromutnikane kompanie, sar ini pedo polokhe leipe garanciako savo momentalno akana pharipe kerena posane rezultatja ano periodi kana sine finansijsko aravde thaj vaš odoleske našti te len garancie thaj te oven šerutne kerdutne bukjengo. ”Ka dikha so šaj sar raštra te kera, khupate e Amalipa bankengo, sar te aven polokhe dži po garancie. Adžahar ka dikha save si odote norme save šaj pana te adaptiringon vaš realizacia projektjengo te ovol po efikasno”, phendja i Mihajlovićka.

 

Telopresidentka Thagarutnaki lepardja kaj raštra ano nakhlo periodi resla šartja kaj lačardipaski thaj dromutnikani ekonomia šaj te barjarenpe, kotar agorisimo Koridori 10 thaj etapa auto-dromeski “Miloš Veliki”, hramisarde kontraktja vaš neve projektja thaj iniciripe nevo investiciako ciklusi molipa majhari 10 milijarde evrja, thaj akana sito semno kaj kherutne lačardimaske kompanie te kera pošukhar thaj pozorale vaš te realizuinen sa odola projektja.

  

"Numa te sine kaj kera buti khupate - kompanie, raštra, Ekonomiaki komora Srbiaki-šaj te adžukhara pobut kherutne kompanie ano bare projektja, a odova sito semno soske on čhivena ani buti dizutnen Srbiake, bajarena ekonomikano baripe thaj dena šansa kaj sar phuv posig barjova", phendja i Mihajlovićka.

 

Presidento Ekonomiako komora Srbiako Marko Čadež phendja kaj lačardimaski industria sikhavela lače performanse thaj kaj formiripe bukjaki grupa savi ka kerol akciono plani e neve napjenca manglape te resol voj te kerol pana pošukhar buti.

 

"Lačardipe inicirinela ekonomikano barjaripe, realno barjaripe akala ranikako kana dikholape pedo nakhlo berš sito paše 15 šelestar. Odova sito semno na numa vaš firme save lena kotor ano lačardipe, uč ini vaš lačardimasko matrijali thaj baro kotor industriako save sito phando po lačardipe. Jekh kotar tema kotar save  vakhardjam sito ini sar amare firme ko bilateralno aranžmajna avena ano so pošukhar šartja thaj so pošukhar kontraktja", phendja o Čadež.