RSS

You are here

Mihajlovićka: Palo 60 berš Aerodromi “Nikola Tesla” ovelole majmoderno kontrolno toranj

“Aero dromutnipe jekha jekh sito semno vaš barjaripe Srbiako sar ini aver forme transporteske thaj kotar 2014. berš, kotar kana investirina ando oleste, aero dromutnipe sito pedo sa standardja ani Evropaki unia. Palo 60 berš Aerodromi“Nikola Tesla” ka lol nevo centri vaš kontrola urjavipasko e tornjea savo lačardilo pedo sa lumiake standardja”, phendja avdive Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, leipa kotor  ano hramosaripe Kontrakti vaš lačardipe  aneks ano objekti  Centri vaš kontrola urajvipasko Beograd e tornjea AKL Beogradi, maškhar Kontrola urjavipasko Srbia thaj Crna Gora (SMATSA) thaj “Energoprojekt visokogradnja”.

 

Mihajlovićka pana phendja kaj 2019. berš infrastrukturako, ano savi but diso kerdilo, sar ini fakti kaj sa investiciako programi SMATSA sito 126 milijojna evrja vakharela kobor vaš raštrake aero dromutnipe semno.

 

“Uzo odova so beogradesko aerodrome definitivno ka lol nevo toranj, amen ano berš so avela ka startuina te lačara toranj ano aerodromi ano Niš, sar ini lačardipe nevi pista ano aerodromi ano Kraljevo. Dikhpa  kobor ano aero dromutnipe nane investirisalo po angle, vaš amenge sakova projekti semno”, phendja voj.

 

Predrag Jovanović, direktori Kontrolako vaš urjavipe Srbia thaj Crna Gora, phendja kaj SMATSA anglo duj berš lela procesi saastrardutni modernizacia sistemeski thaj kaj Aerodromi “Nikola Tesla” ka ovelole majmoderno thaj majlačho toranj ano regioni.

 

“Ano pučipe sito godžaver thaj energetikano objekti e majmoderno serviseja, so ka resel efikasno thaj arakhipasko pedodikhlaripe  dromutnipe ano aerodromi. Objekti ka bufljarolpe pedo 7.500 kvadratno metrja, toranj ka ovol učo75 m, e kupola ani tepa, kotar ka kerelpe kontrola urajvipaski”, phendja o Jovanović.

 

Ano anav “Energoprojekt visokogradnja”, ZoranMihajlović, direktori amalipasko, phendja kaj sito čaljardo vaš pačavipe savo dendilo akala kompaniake, sar kerdutno bukjasko, phenipa kaj voj siola sa kapacitetja thaj servisja vaš akaja buti, thaj buti ka lelpe pali festa.