RSS

You are here

Mihajlovićka: Palo Niš thaj Kraljevo, barjara ini tikne aerodromja “Ponikve” thaj “Rosulje”

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, hramisarda avdive e dizakepočekatuneja Užicako Tihomir Petković thaj javerutno dizakopočekatunesko Krušavacesko Vesna Lazarević kontraktja kotar legaripe fundaripaske hakaja vaš aerodromja ”Ponikve” thaj “Rosulje” pi Republika Srbia.

 

Mihajlovićka vaš odova phendja kaj lungarelape praksa savi lelili e aerodromenca ando Niš thaj Kraljevo, thaj kaj uzo Aerodromi “Nikola Tesla” vazdenape ini aver aerodromja ani Srbia.

 

“Sebepi sito čučavno, praksa sikhavdja kaj amenge but polokhe te arakha vastušeja ini te investirina ano aerodromja kana siton on talo jekh firma, a odova sito “Aerodromi Srbije”. Semno vaš lokalno korkorodirekcie kaj, uzo dromeski, sastrnalutni thaj pajneski infrastruktura, siolen ini barjaripaske thaj tikne aerodromja, a butvar so bajrilo gendo dromutnengo ano nišesko aerodrome  si dovada kaj šaj ini olen te barjara”, phendja voj.

 

Telopresidentka Thagarutnaki phendja pana kaj ano Aerodromi “Ponikve” ano avutno periodi ka ovol investirimo majhari 10, a kerelape nota ini dži po 20 milijojna evrja, soske akava agor siole seriozno potenciali, sar ini kaj pedo odova na ka ačholpe, thaj kaj ini Bor ka ovelole nevo aerodromi.

 

Тihomir Petković naisardja e presidentoske Aleksandar Vučić thaj telopresidentkake  ano anav dizutnengo dizjako Užice soske iklile ano malavdipe ruidžisipasko dizjako kaj o mangin talo Aerodromi “Ponikve” legarena pedi Republika.

 

“Amen ano nakhle deš berš kerdjam šaipe ini korkore aerodromi te čhiva ani funkcia, ama nanamen ni kadrovjengo ni finansijengo kapaciteti thaj vaš odova sijam bahtale e raštra te lol te barjarol amaro aerodromi”, phendja o Petković.

 

Vesna Lazarević phendja kaj legaripe mangin Aerodromesko “Rosulje” pi Republika, Kruševaci nakhela adamjenca sigutno barjaripe.

 

“Nais ini presidentoske Srbiako ini Thagarutnake, poulavdipe telopresidentkake Mihajlović, soske pendžarde strategiake resja barjaripe Kruševaceske. Amen sar lokalno korokorodirekcia ka ažutina e investicia ani “Rosulje” te realizuinolpe, so amenge uzo lačardipe Moravako koridori but semno”, phendja i Lazarevićka.