RSS

You are here

Mihajlovićka: Phare vakheripe e "Behtelea", kana hramisarolpe kontrakti gatisarime sijam vaš leipe bukjengo

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj sa si gatisarimo vaš leipe bukjengo pedo lačardipe Moravako koridori, kana hramisarolpe komercialno kontrakti e alosarde strategiake partnereja vaš akava projekti, konzorcijumea "Behtel-Enka".

 

"Thagarutni Srbiaki, Ministribe, "Koridori Srbije" sar investitori thaj aver institucie legarena vakheripe kotar hramosaripe komercialno kontrakti e "Behtelea". Oftošel milijojna evrja sito baro molipe thaj rodelape horikano vakheripe thaj nane čudipaske so vakheripe siton phare", phendja i Mihajlovićka, amboldipa pedo pučipe žurnalistjengo ano Trsteniko, kote dikhlardja phiribasko thaj legaripe ceveski purt savea agorisalilo problemi pajnesko vaš 10.000 manuša.

 

Voj pana phendja kaj na mangela te licitirinol ka oven mi bukja vaš 7, 10 jase 15 dive, ama semno sito kaj sa si gata vaš leipe bukjengo uzo Kruševci, kana hraminelape kontrakti.

 

"Koridori 10 thaj Koridori 11 semne siton vaš phandipe Srbiako e regioneja, a Moravako koridori vaš phandipe Srbiako andral, olake dizutnengo thaj ekonomiako, soske ka phanol Čačak, Kraljevo, Vrnjačka Banja, Trsteniko, Kruševaci. Adžukhara kaj lačardipe akale auto-dromesko ka ovol trujal duj te kvaš berš", phendja voj.