RSS

You are here

Mihajlovićka: Po buder kotar 3.500 bučarne ano lačardimaske thana vaš infrastrukturno projektja ani Srbia

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović phendja avdive kaj ano lačardimaske thana majbare projektjengo vaš lačardipe dromengo thaj sastrnalutna infrastrukturako, komunalno infrastruktura, rehabilitacia dromengi thaj lačardipe kherengo vaš zoralipe arakhibaske ani Srbia idž sine angažuime po buder kotar 3.500 bučarne, a bukja kerena uzo labaripe sa napja save anglodikhlardile ano reso eliminišipe infektivno nasvalipe COVID-19.

 

„Sar Ministribe dendjam propozalo sa investitorjenge te keren sa sar te adikharen niveli aktivipasko ano lačardimaske thana ani realizacia infrastrukturake projektja, a sa investitorja siolen obligacia e bučarnenge te resen sa manglutno labaripe uluvipasko kotar korona virus, a ano rami e pratsavjenca Thagarutna Srbiako. Baro naisaripe sa kompanienge thaj sa bučarnenge save ano phare šartja lungarena te keren buti, a amen sijam akate te da sakoja forma suporteski thaj kupate te agorisina sa problemja savenca malavdinenape“, phenela Mihajlovićka.

 

Voj pana phenela kaj sasutno molipe infrastrukturake projektja pedo save idž sine angažuime 3.531 bučarno sito 2,6 milijarde evrja, a kaj sa lungipe dromengo thaj prugengo pedo save kerelape buti, ano odova ini bukja pi rehabilitacia raštrake droma, sito paše 520 kilometarja.

 

Gendo bučarnengo phando sito e faza  ano savi arakhenape bukja, palem adžahar majbaro gendo bučarnengo, sa 919, ano marci kerde ano lačardipe etapako sigutni pruga kotar Stara Pazova dži Novi Sad.

 

Ano akava lačardipasko than, kote bukja kerela rusiako RŽD,si ini 272 jekhutne mehanizaciake. Ani dujto etapa sigutni pruga Beograd-Budimpešta, kotar Beogradi dži Stara pazova, kote kerdutne siton kinake kompanie CCCC  thaj „China Railway International“, bukja idž kerde 613  bučarne,  uzo 196 jekhutne mehanizaciake.

 

Ano trujalutno drom trujal Beogradi, ani etapa kotar Ostružnica dži Bubanj potok, kote anglutno kerdutno kinaki kompania “Power China“, idž sine 343 bučarne thaj 81 jekhutni mehanizacike, dži ani etapa auto-dromeski „Miloš Veliki“ kotar Požega dži Preljina, kote kerdutno kinaki kompania CCCC, bukja kerena 70 bučarne, a sine ini 29 jekhutne mehanizaciake.

 

Ano lačardimasko than Moravako koridori, jase auto-drom Pojate-Preljina, ano savo anglutno kerdutno konzorciumi „Behtel“ thaj „Enke“, idž sine 51 bučarno.

 

Ano lačardipe etapako auto-dromesko Beograd-Sarajevo, kotar Sremeski Rača dži Kuzmin, momentalno kerena buti 88 bučarne turkiaka kompaniake „Taš japi“, 9 kerena kheresta, a ano lačardipe si ini 58 jekhutne mehanizaciake. Ano dujto lačardipasko than akala kompaniako, pi rekonstrukcia raštrako drom Novi Pazar-Tutin angažuimo 48 bučarne, sar ini 25 jekhutne mehanizaciake.

 

Ani etapa sastrnalutnesko Koridori 10, kotar Jajinci dži Mala Krsna, ano savo kerdutne francuskaki kompania „Kolas“ thaj srbikano „Energoprojekt“ bukja kerena sa 85 bučarne, e 10 jekhutne mehanizaciake.

 

Ano etape raštrengo dromengo savengi rehabilitacia sitoj akana ano rami Projekti rehabilitacia raštrake dromengo thaj anglunisaripe arakhipe dromutnikanipasko, sa idž bukja kerde 667 bučarne.

 

Uzo odova, pedo lačardipe apartmajnengo vaš zoralipe arakhipaske ano po buder dizja ani Srbia sine angažuimo sa 446 bučarne, dži 192 bučarne kerde ano projketja vaš komunalno infrastruktura savenca vastalutnela Ministribe vaš lačardipe, dromutnipe thaj infrastruktura.