RSS

You are here

Mihajlovićka: Prioriteti ano 2020. reforma e-katastari thaj e-thanutnipe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof.dr Zorana Mihajlović,phendja avdive kaj reforma ani umal ikalipe urbanizmeske mukhlipaske lila misal vaš aver reforme sar manglape te legarenpe, sar ini kaj vaš Ministribaske ano 2020. berš prioriteti ka oven reforme ani umal katastari thaj thanutne plajna.

 

“Ake duj berša kera pedo čhivipe elektronikano katastari, khupate ini agorisina  problemja ano tereni. Pačavava kaj ano berš so avela definitivno šaj te phena kaj sijamen katastari sar pana jekh uče lačardi umal, sar so sito avdive urbanistikane mukhlipaske lila, ini ano tereni, ini ani percepcia”, phendja i Mihajlovićka ani konferencia Amerikaki ekonomikani komora (AmCham) “Eftato nakhutno vakhti-2019. berš”.

 

“Biadžukhardi si hari percepcia ekonomiako kaj na adžukharela pošukharipe ekonomikani klima, soske dikhipa pedo fakti phando e ikalipa urbanistikane mukhlipaske lil, kote Srbia avdive 9. pi lumia ani lista Lumiaki banka, phando e katastarea thaj aver umaljenca, vakharena averčhane. Sigurno šaj te vakharolpe kotar strukturake reforme ano publikake firme thaj ano disave aver umalja, kote rezultatja šaj te oven pana pošukhar. Pačavava ini kaj štrajki ano RGZ resla e percepcia te ovol bilači ze so sine tana ovol sine štrajki”, phendja i telopresidentka Thagarutnaki.

 

Voj pana phendja kaj pučipe savo sito semno ini vaš raštra ini vaš privatno sektori sito pučipe reslipe bučarnengo. “Akava pučipe sito semno vaš adikharipe ekonomia Srbiako, sar ini ano regioni. Ani infrastruktura malavdinahape e bare problemjenca ano odova kotor, thaj kana sito lafi kotar bikvalifikuime, thaj uče kvalifikuime bučarne”, phendja voj.

 

“Ini kaj sitoj aluminatjengo berš, nijekh lačardimasko than na ka ačhol bukja, ka lungara ini e reforma katastresko thaj e reforma e-thanutnipe, soske semno kaj uzo e-mukhlipaske lila ini e-katastari sijamen ini eletronikano planeske dokumentja. Adžahar semno sito te harnjarolpe vakhti vaš leipe phandipe pedo elektrikani energia, savo našti te ovol 128 dive”, phendja i telopresidentka Thagarutnaki.

 

Voj akhardja dženutne Amerikake ekonomikani komora te lungaren te den pere bahamja thaj sugestie sar biznisesko ambijenti te ovol pana pošukhar. “Thagarutni ne kerela biznisi, ama amari buti sitoj te kera majšukhar šajutno ambijenti vaš kompanie savi kerena buti, soske odova sito drom vaš po sig barjaripe Srbiako thaj pedo odova trubul khupate te kera buti”, phendja i Mihajlovićka.