RSS

You are here

Mihajlovićka: Projektja e ThR Kina ano molipe 13 milijarde evrja, ka zorakharen maškharipe ani umal investicie

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e delegacia Ministribe   kinipe-biknipe ThR Kinako, savi legardja javerutno ministresko Ćen Keming.

 

“Republika Srbia thaj ThR Kina siolen sa pošukhar ekonomikano maškharipe, savi zumavdisali šukhar thaj zorale relcia maškhar  presidentja duje phuvjengo. Odola šukhar relacie thaj olenge vizite  dikhlarenape ini pedo barjaripe kinipasko-biknipaske pharuvipe duje phuvjengo, save siton 15 drom pobare ze ano 2008 berš, a trin drom pobare ze ano nakhlo berš”, phendja i Mihajlovićka.

 

 Voj dendja akcenti pedo ekonomikano maškharipe duje phuvjengo poulavdipe šukhar ani umal infrastruktura, kote molipe khupatne projektjengo trujal 13 milijarde evrja.”Kinake kompanie anena ani Srbia džandipe thaj moderno tehnologie thaj vaš odova šukhar so khupate lačara auto-dromja thaj angluni sigutni pruga ano akava kotor Evropako”, phendja i Mihajlovićka, thaj pana phendja kaj adive avela ini angluno pharipasko pampuri kotar Kina, e vastušejenca vaš pruga Beograd-Budimpešta.

 

Ćen Keming sito ano jekhavazi kotar uče note save astardile ano ekonomikano maškharipe, savengo anglunisaripe zumavdisalo vizitenca maškharo majuče vastalutne duje phuivjengo.” Srbia sitoj angluni phuv savi hramisarda Memorandumi kotar maškharipe ano rami iniciativako “Jekh kustik, jekh drom”, thaj amen seriozno analizirindjam šaipe vaš maškharipe e Srbia ani realizacia akala iniciativako, sar ini ani reindustrijalizacia Srbiaki. Ka inicirina ini podur kinake firme te aven ani Srbia thaj te investirinen”, phendja o Ćen.

 

Ano bešipe vakhardilo ini kotar konkretikano čhandipe vaš podur anglunisaripe ekonomikani thaj kinipasko-biknipasko maškharipe, ano odova ini formiripe Ulavde bukjake grupe  vaš investiripe, vaš savo halovipe manglape te ovol hramisardo ano Samiti šefjengo thagarutnengo ThR Kina thaj 17 phuvja centralno thaj javinutni Evropa.